Машыну з дэлегацыяй удзельнікаў Міжнароднай экспертнай дыскусіі “Гібрыдная вайна РФ супраць Беларусі” затрымалі на беларускай мяжы.
Падставай для затрымання стала знаходжанне ў машыне праграмкі VII Бандэраўскіх чытанняў, якія зараз мусяць закончыцца ў Кіеўскай гарадской Радзе.
У складзе дэлегацыі знаходзяцца Ihar Lialkou Ігар Лялькоў і старшыня партыі БНФ Рыгор Кастусёў.
Пра затрыманне паведаміла ў фэйсбуку Алена Талстая.
“Завезлі нас у бокс. У боксе высадзілі ўсіх з машыны. Наша машына стаіць у раёне пад’емніка. Прыняслі люстэрка, падсоўваюць пад ніз. Мы стаім побач з машынай – я, Ігар Лялькоў, дзяўчына адна. Пад канвоем нас па чарзе вадзілі ў прыбіральню. Нічога не кажуць”, – распавёў журналісту “Магілёўскага рэгіёна” Рыгор Кастусёў, адзначыўшы, што цягнецца ўся працэдура ўжо больш за гадзіну, і памежнікі сфатаграфавалі праграму канферэнцыі.
Разам з Кастусёвым і Ляльковым таксама затрымалі актывіста Руху Салідарнасці “Разам” Сяргея Сянцюрова. Зараз затрыманыя знаходзяцца ў асобным пакоі, ім па-ранейшаму нічога не паведамляюць.
