29 кастрычніка Савет Еўразійскай эканамічнай камісіі зацвердзіў план мерапрыемстваў па адмене роўмінгу ў Еўразійскім эканамічным саюзе. Аб гэтым на брыфінгу па выніках пасяджэння паведаміла афіцыйны прадстаўнік ЕЭК Ія Малкіна.
“Мерапрыемствы плана ўключаюць у сябе комплекс мер, накіраваных на папярэджанне, выяўленне і спыненне махлярства, забеспячэнне прамога ўзаемадзеяння аператараў сувязі пры пропуску міжнароднага роўмінгавага трафіку, прапрацоўку магчымасці арганізацыі прамых стыкаў паміж сеткамі аператараў сувязі і г.д.”, – сказала Ія Малкіна.
Планам прадугледжана распрацоўка правілаў добрасумленнага выкарыстання справядлівых тарыфаў, якія будуць уключаць у сябе ў тым ліку вызначэнне кроку тарыфікацыі і максімальнага аб’ёму паслуг сувязі ў роўмінгу, якія аказваюцца па справядлівых тарыфах. “Камісія будзе весці маніторынг выканання гэтых мерапрыемстваў, і пасля іх поўнай рэалізацыі Калегія ЕЭК прыме рэкамендацыі для сотавых аператараў краін саюза, накіраваныя на пераход з 2025 года на тарыф у роўмінгу, максімальна набліжаны да дамашняга”, – падкрэсліла прадстаўнік ЕЭК.
ДАВЕДКА. Еўразійская эканамічная камісія (ЕЭК) — пастаянна дзейны наднацыянальны рэгулюючы орган Еўразійскага эканамічнага саюза (ЕАЭС). Створана рашэннем прэзідэнтаў Расійскай Федэрацыі, Рэспублікі Беларусь і Рэспублікі Казахстан і функцыянуе на аснове Дагавораў ад 18 лістапада 2011 года “Аб Еўразійскай эканамічнай камісіі” і “Аб рэгламенце работы Еўразійскай эканамічнай камісіі”. У ЕЭК уваходзяць пять краін: Арменія, Беларусь, Казахстан, Кыргызстан і Расія.
На сёння тарыфы на роумінг, напрыклад, ад А1.
| Роумінгавая зона | Тарыф, 1 хвіліна выкліка | Зыходзячыя(SMS), за адзінку | Зыходзячыя мультымедыйныя (MMS) у Беларусь і на міжнародныя нумары за адзінку | Інтэрнет, за 1 Mb, тарыфікацыя па 10 Kb | ||||
| Зыходзячы | Уваходзячы | |||||||
| У Беларусь | Унутры краіны наведвання | Міжнародны | Відэазванок | |||||
| СНДГ | 2,530 руб. | 1,880 руб. | 3,484 руб. | 3,880 руб. | 1,150 руб. | 0,310 руб. | 0,360 руб. | 3,800 руб. |
| Расія | 0,268 руб | 0,800 руб | 3,484 руб. | 3,880 руб. | 0,113 руб. | 0,065 руб. | 0,360 руб. | 3,800 руб. |
| Еўропа | 3,480 руб. | 2,270 руб. | 2,790 руб. | 6,770 руб. | 1,320 руб. | 0,470 руб. | 0,360 руб. | 3,800 руб. |
| Астатні свет | 6,280 руб. | 2,850 руб. | 5,710 руб. | 10,380 руб. | 2,330 руб. | 0,870 руб. | 0,360 руб. | 3,800 руб. |
| Афрыка | 4,850 руб. | 1,740 руб. | 4,650 руб. | 7,280 руб. | 1,990 руб. | 0,710 руб. | 0,360 руб. | 3,800 руб. |