Бісхаім – калідор з цэглы, перад уваходам на габрэйскія могілкі, які падзяляе свет жывых і памерлых, У Шклове Бісхаім захаваўся з 17 стагоддзя.
Пра Бісхаім распавядае краязнаўца са Шклова – Алесь Грудзіна, запіс зроблены 16-га лютага 2019 года.
Па засыпаных снегам прыступкам можна прайсці на старажытныя габрэйскія могілкі, якім больш за 500 гадоў.
Мемарыял на могілках – памяць пра забітых падчас Другой сусветнай вайны. Каля могілак забівалі не толькі габрэяў са Шклова, але і з наваколля, і з Магілёва. Было забіта больш за шэсць тысяч чалавек.
Унізе каля Бісхаіма было памяшканне, дзе нябожчыка рыхтавалі ў апошні шлях, будыначак не захаваўся.
На Бісхаіме бачна старая цэгла і пазнейшыя спробы рэстаўрацыі.
Бісхаім у Шклове – гэта ўнікальны помнік, больш такога ў Беларусі няма.
Паліна Сцепаненка, Беларускае Радыё Рацыя