На выбарчым ўчастку №12 Магілёўскай-Ленінскай акругі №84 па інфармацыі назіральніка кампаніі “Праваабаронцы за свабодныя выбары” Уладзіміра Краўчанкі колькасць выданых бюлетэняў з рэальнай яўкай разніцца на 16 чалавек (па пратаколу — 44, па падліках назіральніка — 28).
Яшчэ на адным участку ў Ленінскім районе ў Магілёве, як паведамляе телеграм-канал “Выборы. Беларусь”, завышаная яўка амаль у тры разы. Колькасць выбаршчыкаў, якія атрымалі бюлетэнь па пратаколу склала 99 чалавек, па падліках назіральніка — 34.
У Магілёве на ўчастку №42 (Магілёўская-Цэнтральная акруга N85) галасавала група студэнтаў МДУ імя Куляшова. 99% выбаршчыкаў, што галасуюць датэрмінова – студэнты гэтага вуза і навучэнцы медыцынскага каледжу, яны ідуць і вялікімі, і малымі групамі.