29 чэрвеня каля 12 гадзін у Бабруйскі РАУС паступіла паведамленьне, што ў вадаёме непадалёк ад райцэнтру знайшлі перавернуты аўтамабіль Nissan, паведаміла прэс-сакратарка МУС Вольга Чамаданава ў Тэлеграме.
У машыне знайшлі целы чацьвярых мужчын — жыхароў Бабруйску 1968, 1979, 1982 і 1986 гадоў нараджэньня.
Сярод загінулых — супрацоўнік аддзела міліцыі Першамайскага раёну Бабруйска і супрацоўнік Акадэміі МУС. Абодва знаходзіліся па-за службай.