Учора, 9 лютага, на тэлеканале Беларусь-3 адбыўся чарговы тур Нацыянальнага хіт-парада. Другое месца на сённяшні дзень займае музыкант з Бялынічаў Юры Несцярэнка з песняй “Дарога, дарога” (уяўляе сабой аўтарскую перапрацоўку народнай песні “Тры дарогі” у аранжыроўцы Сяргея Сухамліна).
Першы раз “Дарога” прагучала напачатку года ў перадачы “Наперад у мінулае” Аксаны і Анатоля Вечараў. А потым патрапіла ў шорт-ліст Нацыянальнага хіт-парада. Такім чынам, прыкладна месяц Юры Несцярэнка ўдзельнічае ў музычным турніры. Прагаласаваць за земляка можна па спасылцы
https://3belarus.by/be/shows/nacyyanalny-hit-parad
Юры Несцярэнка не аднойчы удзельнічаў у праектах нацыянальнага тэлебачання і радыё (на выставе “СМІ ў Беларусі” прадстаўляў кліп “Неба навокал”, зняты пры падтрымцы Белтэлерадыёкампаніі; удзельнічаў у юбілейных мерапрыемствах ды іншых асобных праектах).
Бялыніцкі музыкант у розныя часы выступаў у студыях радыё і тэлебачання як сола-выканаўца, альбо са сваімі гуртамі “White Night Blues” і “Нестары Бэнд” , а таксама з сумеснымі праектамі “Мірнае Мора” з Ірынай Снапковай і “Збег абставінаў” разам з Вольгай Акуліч.
На фотаздымках: Падчас аднаго з запісаў у студыі Белтэлерадыёкампаніі
Тэкст Дзмітрый Нікалаеў, фота Вікторыя Ляйкоўская
Дзеці ў залі з вялікім задавальненнем і цікавасцю вялі дыялог на беларускай мове з вядучымі, асабліва спадабалася разгадваць загадкі. За музычную частку на гэтай папярэдней прэзентацыі адказвала Надзея Несцярэнка, мама Сашы і Ані. Разам сямейны калектыў праспяваў “Лета”, “Чорна-белыя сны”, “Вось так апраналіся” – песні, напісаныя на вершы з кнігі, якую сямейны калектыў меў гонар прэзентаваць.
“Хацелася б, каб кніга знайшла сваіх чытачоў і ў сем’ях, і ў дзіцячых садках, і ў школах” – сказаў напрыканцы імпрэзы Юры Несцярэнка, сябра Саюза беларускіх пісьменнікаў, музыкант, аўтар шматлікіх беларускіх праектаў.
