Галоўная » кола

кола

Информационный день о программе Восточного Партнёрства Европейского союза 23 января в Могилеве

Информационный день о программе Восточного Партнёрства Европейского союза: Как работают европейские инструменты в рамках программы … чытаць далей

Сябры ГА “Беларуская асацыяцыя журналістаў” правялі ў Магілёве канферэнцыю па пытаннях бяпекі

У Магілёве 22 снежня адбылася рэгіянальная канферэнцыя па бяспецы, арганізаваная мясцовымі сябрамі ГА “Беларуская асацыяцыя журналістаў”.

У канферэнцыі прынялі ўдзел больш за трыццаць журналістаў і грамадскіх актывістаў з розных рэгіёнаў Магілёўшчыны.

Удзельнікі абмеркавалі два блокі пытанняў. Спачатку намеснік старшыні ГА “БАЖ” Алег Агееў распавёў пра новыя пагрозы, якія ўзнікаюць перад журналістамі, блогерамі і сродкамі масавай інфармацыі ў сувязі са зменамі ў беларускім заканадаўстве і прыняццём новай рэдакцыі Закона “Аб СМІ”.

Пасля абмеркавання гэтага пытання эксперт па лічбавай бяспецы Мікалай Кванталіані зладзіў прэзентацыю на тэму “Лічбавая, каммунікацыйная, асабістая бяспека. Як абараняцца?” Эксперт азнаёміў прысутных з асноўнымі правіламі, якіх патрэбна прытрымлівацца, каб забяспечыць асабістую бяспеку пры карыстанні рознымі гаджэтамі і працы ў інтэрнэце.

Выступы абодвух экспертаў выклікалі вялікую цікавасць у ўдзельнікаў канферэнцыі. Алегу Агееву і Мікалаю Кванталіані давялося адказваць на шматлікія пытанні магілёўцаў, выслухаць іх меркаванні пра тое, чым пагражаюць журналістам змены ў заканадаўства аб СМІ, распавесці пра асаблівасці працы з сацыяльнымі сеткамі і г. д. Магілёўскіх бажаўцаў непакоіла тое, што змены ў Закон “Аб СМІ”, якія пагаршаюць сітуацыю з забеспячэннем права на свабоду слова ў краіне, не выклікалі шырокага рэзанансу ў беларускім грамадстве.

Свае меркаванне наконт узнятых праблем падчас канферэнцыі выказалі Дзяніс Васількоў, Уладзімір Лапцэвіч, Барыс Бухель, Галіна Будная, Алесь Асіпцоў, Зміцер Салаўёў, Аляксандр Буракоў (малодшы), Міхаіл Аршынскі, Барыс Вырвіч і іншыя ўдзельнікі мерапрыемства.

Па завяршэнні канферэнцыі кіраўнік праекта Mogilev.Report Дзяніс Васількоў павіншаваў калег з надыходзячымі святамі і ўручыў Падзякі ды невялікія падарункі журналістам, якія актыўна асвятлялі і ўдзельнічалі ў грамадскім жыцці Магілёва. Свае заслужаныя ўзнагароды атрымалі магілёўскія сябры ГА “БАЖ” Аліна Скрабунова, Алесь Сабалеўскі і Аляксандр Буракоў (малодшы).

Ужо традыцыйна арганізаваная магілёўскімі сябрамі ГА “БАЖ” канферэнцыя прайшла ў гасцінных сценах Грамадскага цэнтра “Кола” ў Магілёве.

Фота: Алесь Сабалеўскі, Барыс Вырвіч

Крыніца: baj.by

29 лістапада – ток-шоў у Магілёве “Расійская прапаганда: як з ёй змагацца, каб не страціць сваю краіну”

Эксперты – блогер Эдуард Пальчыс і журналіст Аляксандр Буракоў. З экранаў для беларусаў вяшчаюць дзясяткі расійскіх каналаў, у сацсетках «Аднакласнікі» і «УКантакце» сядзяць … чытаць далей

Мастацкая выстава пра Беларусь, якую не жадаюць бачыць чыноўнікі

23 кастрычніка ў Магілёве прэзентавалі мастацкую выставу “100 гадоў барацьбы, гонару і годнасці”. У экспазіцыі прадстаўлены творы жывапісу з выставы “Код: 25.03.18”, што ўвесну 2018 года ладзілася  Беларускім саюзам мастакоў у мінскім Палацы мастацтваў. 

На выставе можна пабачыць працы мастакоў суполкі “Пагоня” розных стыляў жывапісу і графікі, але аб’ядноўвае іх тэма Беларусі – тут ёсць выявы адметных гістарычных будынкаў, краявіды і, безумоўна, вядомыя асобы – прадстаўнікі беларускага адраджэння. Усяго на выставе можна пабачыць больш за дваццаць работ аўтарства Міколы Купавы, Віктара Маркаўца, Мікалая Крукава, Міколы Рыжага, Віктара Мікіта і Людмілы Зарубінай. Акрамя мастацкіх твораў, экспазіцыю дапаўняюць вялікія постэры з фотапартрэтаў дзеячаў ураду БНР і беларускага нацыянальнага руху розных часоў – Вацлава Ластоўскага, Язэпа Лёсіка, Ларысы Геніюш і іншых.

Пад час прэзентацыі падрабязна распавёў пра ўсе акалічнасці, звязаныя як з самой суполкай “Пагоня”, так і непасрэдна з ідэяй і рэалізацыяй мастацкага праекту “100 гадоў барацьбы, гонару і годнасці” магілёўскі мастак Базыль Камароў. Ён жа зладзіў і невялічкую “экскурсію” па экспазіцыі. Больш падрабязныя звесткі пра перыяд БНР і ўвогуле пра гісторыю адраджэння нашае дзяржаўнасці на працягу гэтых 100 год, пра некаторых нацыянальных дзеячаў распавялі гісторыкі Ігар Пушкін і Аляксандр Агееў. Але зрабілі яны гэта не звычайным спосабам, а ў выглядзе гістарычнай віктарыны з цікавымі прызамі. Адзін з пачынальнікаў новага адраджэнскага руху канца 80-х пачатку 90-х гадоў Міхась Булавацкі дадаў крыху падрабязнасцяў пра найноўшы перыяд нашай гісторыі і яркіх асобаў гэтага часу.

Мастак Базыль Камароў Ігар Пушкін – беларускі гісторык, кандыдат гістарычных навук, дацэнт, першы дырэктар Музэю гісторыі горада Магілёва (1992—2001) Сціслая лекцыя па гісторыі Аляксандр Агееў — гісторык, кандыдат гістарычных навук, дацэнт кафедры археалогіі і спецыяльных гістарычных дысцыплін МДУ імя Куляшова Прыз для аднаго з пераможцаў віктарыны Гісторыю ў нас ведаюць людзі розных узростаў, нават такія юныя беларусы І яшчэ адзін пераможца Міхась Булавацкі – беларускамоўны настаўнік матэматыкі, паэт і публіцыст, грамадскі дзеяч, старшыня абласнога аддзялення Таварыства беларускай мовы імя Скарыны

Трэба дадаць, што першапачаткова планавалася зладзіць выставу ў адным з гарадскіх музеяў, але адказныя чыноўнікі зацягвалі час на бясконцыя ўзгадненні, таму экспазіцыю размясцілі ў адным з памяшканняў грамадскага цэнтру “Кола” па завулку Чкалава, 16. Пабачыць выставу можна пад час розных культурніцкіх і грамадскіх мерапрыемстваў, што кожны дзень адбываюцца ў гэтай утульнай і сяброўскай прасторы.  Выстава прабудзе ў Магілёве яшчэ некалькі дзён, пасля чаго пераедзе далей – у Гомель і Берасце.

Алесь Сабалеўскі. Фота аўтара

 

 

Лісты беларускіх палітвязняў прэзентавалі ў Магілёве

Прэзентацыя выставы “Лісты палітвязняў: ад 1996 года да нашых дзён” прайшла ў грамадскім цэнтры “Кола” 18 верасня. Пад час яе магілёўцы атрымалі магчымасць сустрэцца і паразмаўляць з яе ўкладальніцай Палінай Сцепаненкай і грамадскім дзеячам, лідарам арганізацыі “Малады Фронт”, былым палітвязнем Яўгенам Васьковічам. 

У падрыхтоўцы экспазіцыі Паліне Сцепаненцы дапамагаў Праваабарончы цэнтр “Вясна” і ягоны кіраўнік Алесь Бяляцкі. Ён таксама павінен быў прыехаць у Магілёў, аднак з працоўных прычынаў не змог гэтага зрабіць. Па словах праваабаронцаў, з 1996 года за кратамі ў якасці палітвязняў пабывала каля двухсот чалавек, ўкладальнікам выставы ўдалося сабраць на гэты час амаль паўтары тысячы ліставанняў. На сённяшні дзень у Магілёўскай вобласці ўтрымліваюцца адразу двое палітвязняў – актывіст Дзмітрый Паліенка (папраўчая калонія №2 у Бабруйску) і праваабаронца Міхаіл Жамчужны (папраўчая калонія №17 у Горках).

 

Былы палітвязень Яўгена Васьковіч і праваабаронца Паліна Сцепаненка
 Першы беларускі палітвязень Славамір Адамовіч, які адседзіў 10 месяцаў за верш «Убей президента!»

Выстава прабудзе ў Магілёве некалькі дзён. Пдрабязна пра сустрэчу і выставу глядзіце ў нашым відэа.

Алесь Сабалеўскі. Фота і відэа аўтара

Чорна-белае кіно, створанае ў стылістыцы першага бязгукавага сінематографа, пакажуць у Магілёве ў нядзелю 23 верасня

Чорна-белае кіно, створанае ў стылістыцы першага бязгукавага сінематографа, пакажуць у Магілёве ў нядзелю 23 верасня. 

“Чароўныя нажнічкі» — гэта містычная гісторыя пра яўрэйскага краўца і ягоныя прыгоды. Кінастужку знялі аматары з Барысава, удзельнікі праекта «МыЗаТанцы!», не маючы аніякага фінансавання. Фільм не з’яўляецца дакладнай рэканструкцыяй жыцця барысаўскіх жыдоў, сцэнар быў напісаны паводле яўрэйскіх казак. Па задуме аўтараў, “Нажнічак” няма ў сеціве, фільм можна пабачыць толькі ў рэальнай кіназале пад жывое музычнае суправаджэнне капэлы «Жыдовачка».

Кінапаказ працягнецца вечарынкай, дзе можна будзе развучыць і патаньчыць беларускія і яўрэйскія традыцыйныя танцы пад мелодыі, што суправаджаюць стужку і сапраўды гучалі ў беларускіх мястэчках сто гадоў таму.

Пачатак а 18:00, Цэнтр “Кола” (завулак Чкалава, 16).

Уваход вольны, вітаецца падзяка (данэйшан) музыкам.