Галоўная » мнение » Page 268

мнение

Депопуляция на юго-востоке Беларуси приобретает угрожающий характер

Беларуский народ медленно, но верно вымирает — и это неопровержимый научный факт. Население страны сокращается … чытаць далей

Працаголік, рыначнік, падабаецца Захаду: сем фактаў пра новага міністра фінансаў Максіма Ермаловіча

У апошні дзень лета Лукашэнка прызначыў новага міністра фінансаў — 41-гадовага Максіма Ермаловіча. 

Гэта не новы чалавек — дагэтуль Ермаловіч працаваў у тым самым ведамстве намеснікам Уладзіміра Амарына. Што яшчэ вядома пра гэтага чыноўніка?

«Наша Ніва» сабрала некалькі фактаў.

Не рэтраград

Максім Ермаловіч — гэта сталы госць недзяржаўных эканамічных форумаў. Ён адкрыты да кантактаў, умее слухаць іншых і адстойваць сваю пазіцыю.

«З Ермаловічам мы не раз бывалі ў камандзіроўках, ён зрабіў добрае ўражанне — вельмі разумны, сапраўдны прафесіянал. Яго адназначна не назваць рэтраградам, я вельмі рада ягонаму прызначэнню.

Сярод асноўных яго заслуг я б адзначыла размяшчэнне каштоўных папер — еўрабондаў», — кажа Наталля Нікандрава, якая перасякалася з Ермаловічам падчас працы ў Нацыянальным агенцтве па інвестыцыях і прыватызацыі.

Працаголік

Летась на Кастрычніцкім эканамічным форуме ён уразіў людзей тым, што пасля заканчэння мерапрыемства — напачатку 22-й гадзіны, — паехаў не дадому, а на работу з прычыны, што «яшчэ не ўсё дароблена».

Рыначнік, адаптаваны да беларускіх рэалій

Такімі словамі будучы міністр адказваў на пытанне «Нашай Нівы» аб рэформах у кулуарах аднаго з форумаў:

«Пакуль у эканоміцы вялікая доля неканкурэнтных ва ўмовах рынку людзей, ні пра якія імклівыя рынкавыя пераўтварэнні гаворкі ісці не можа. Але самі яны непазбежныя, пытанне толькі ў хуткасці. Так, у 90-ыя можна было ламаць, але як ламаць сёння? Рэформы ўпіраюцца ў нізкую кваліфікацыю кадраў, якія ў выпадку «ломкі» апынуцца на вуліцы, пойдуць на дно і пацягнуць нас за сабой», — казаў Ермаловіч.

Пазнавальны на Захадзе

Ермаловіч стала ўваходзіў бадай што ва ўсе перамоўныя групы па міжнародных лініях. У прыватнасці, ён быў адным з перамоўшчыкаў з МВФ. І хаця грошай Беларусь пакуль што не атрымала, дарожная карта выконваецца спраўна.

«Заслуга і Ермаловіча, і іншых людзей, і каманды Нацбанка-Мінфіна-Мінэканомікі ў тым, што ў Беларусі дасягнута макраэканамічная стабільнасць, якой у нас ніколі дагэтуль не было. І я рады прызначэнню Ермаловіча: гэта прафесіянал, які ведае, што за праблемы стаяць перад намі, ведае таксама, як іх вырашаць і з кім. Яшчэ нават быўшы начальнікам аддзела ён зрабіў сабе рэпутацыю прафесіянала. Міжнародныя фінансавыя арганізацыі, дарэчы, заўжды адзначалі ўзровень нашых чыноўнікаў у параўнанні нават з краінамі-суседкамі, кшталту Украіны і Расіі. І прызначэнне Ермаловіча гэта, у тым ліку, і такі сігнал заходнікам, што мы працягваем працаваць у вызначаным кірунку», — кажа эканаміст Аляксандр Чубрык.

Ён таксама адзначыў, што з 2011 года Беларусі ўдалося амаль на 10% скараціць долю выдаткаў бюджэту адносна ВУП, што з’яўляецца недасягальнай мэтай, напрыклад, для грэкаў.

Жыве не ў Драздах

Жыве новы міністр у Сухараве.

Зайздросны жаніх

Максім Ермаловіч не жанаты.

Ён прызнае, што мае залішнюю вагу — з ёй спрабуе змагацца праз заняткі спортам, у прыватнасці, вялікім тэнісам.

Вядзе інстаграм

У міністра ёсць інстаграм, куды ён рэдка, але ўсё ж загружае фота са сваіх паездак ці камандзіровак.

***

Максім Ермаловіч нарадзіўся 26 чэрвеня 1977 года ў Лепелі. Скончыў Полацкі дзяржаўны універсітэт і Акадэмію кіравання. У 1999 годзе працаваў дзяржаўным падатковым інспектарам інспекцыі №2 Дзяржаўнага падатковага камiтэта па Фрунзенскім раёне Мінска. Ад ліпеня 1999 году па 2002 год займаў розныя пасады ў Дзяржаўным падатковым камітэце Беларусі (цяпер Міністэрства па падатках і зборах). У 2002 годзе перайшоў працаваць у Міністэрства фінансаў Беларусі. Займаў пасады кансультанта ўпраўлення аналізу і планавання даходаў бюджэту, намесніка начальніка ўпраўлення — начальніка аддзела планавання і ўліку даходаў бюджэту галоўнага ўпраўлення падатковай палітыкі і даходаў бюджэту, начальніка галоўнага ўпраўлення бюджэтнай палітыкі. У 2011-2014 гадах — намеснік міністра фінансаў Беларусі. З 2014 года і да цяперашняга часу працаваў першым намеснікам міністра фінансаў.

 

Ці вылезуць беларусы з крэдытнай ямы

Беларусы залазяць у пазыкі. Запазычанасць насельніцтва перад банкамі ў ліпені пабіла чарговы рэкорд, перасягнуўшы 5 мільярдаў долараў. Еўразійскі фонд і Нацыянальны банк яшчэ на пачатку года папярэджвалі аб небяспеках крэдытнага буму. Чаму ён адбываецца і да чаго рыхтавацца беларусам?

Купіць цяпер, пазычыўшы, у разліку на рост прыбыткаў у будучыні. Колькасць беларусаў, якія бяруць на ўзбраенне такую схему спажывання, рэзка павялічваецца ўжо другі год запар.

Бум спажывецкага крэдытавання распачаўся летась, калі Нацыянальны банк пачаў зніжаць стаўку рэфінансавання. У выніку сярэдняя стаўка па крэдытах для фізічных асобаў знізілася ўдвая: з без малога 20 % гадавых на пачатку мінулага года да няпоўных 10 сёлета – за крэдыты тэрмінам меншым за 12 месяцаў. Беларусы, у сваю чаргу, набралі крэдытаў на 10 мільярдаў рублёў. Гэта – на траціну больш, чым год таму.

Распавядаюць жыхары Менску:

«Пакуль не бралі. Але надалей думаем – на жыллё».

«Браў на кухню».

«На той жа рамонт кватэры. Нават, у школу ідзем – сабрацца, і то б можна было ўзяць, каб было прасцей».

«Патрацілі нармальна, а аддаваць цяжкавата».

Каб задаволіць крэдытныя апетыты насельніцтва, банкі вымушаныя залучаць больш рэсурсаў. Таму ў апошнія месяцы мы бачым, што стаўкі па дэпазітах растуць – каб залучыць сродкі насельніцтва. А стаўкі па крэдытах, наадварот, працягваюць падаць, каб заахвоціць людзей больш пазычаць. Крэдытны бум станоўча ўплывае на будаўніцтва, продажы аўтамабіляў ды іншыя сегменты спажывецкага рынку.

«Ёсць нейкі пазітыў – падштурхоўваюцца асобныя беларускія вытворцы. Але, з другога боку, варта разумець, што на гэтым фоне дзесьці нават крыху хутчэй расце попыт на імпартныя тавары», – тлумачыць аналітык Businessforecast.by Аляксандр Муха.

Крэдытавая запазычанасць беларускіх хатніх гаспадарак цяпер складае каля 10 % ад ВУП. Гэта – удвая менш, чым у Расеі, а ў некаторых развітых краінах гэты паказнік перавышае аб’ём эканомікі. Але адмыслоўцы папярэджваюць: у адрозненне ад Даніі ці Швейцарыі, дзе закрэдытаванасць насельніцтва ў 12 разоў перавышае беларускую, стабільнасць даходаў нашых суайчыннікаў – значна ніжэйшая, чым у названых еўрапейскіх краінах. Гэта значыць, што рызыка таго, што, у выніку новага крызісу, беларус страціць здольнасць выплочваць пазыку банку – значна вышэйшая. А фінансы беларускіх банкаў – і так у зоне рызыкі праз пазыкі, якія ім не вяртаюць прадпрыемствы.

«Дастаткова імклівы рост спажывецкага крэдытавання нясе ў сабе пэўныя рызыкі. Перадусім ёсць рызыка, што насельніцтва можа пераацаніць свае магчымасці ў плане будучага пагашэння банкаўскіх крэдытаў», – асцерагае Аляксандр Муха.

Пакуль Нацыянальны банк выказвае намер працягваць зніжаць стаўку рэфінансавання, а, значыць, для беларусаў, якія ўзялі крэдыты і прывязаныя да яе, агульная сума, якую яны мусяць вярнуць, будзе змяншацца. Улады збіраюцца павышаць і мінімальны заробак, таму беспасярэдняй небяспекі таго, што крэдытавая піраміда абваліцца цяпер – пакуль няма. Але апытаныя намі адмыслоўцы папярэджваюць: усё гэта можа рэзка змяніцца, напрыклад, праз год, калі ўпадзе кошт на нафту і, адпаведна, зменшыцца расейскі попыт на беларускія тавары. Прадпрыемствы тады рэзка скароцяць выплаты па сваіх крэдытах, а ўлады, каб уратаваць банкі, могуць быць вымушаныя надрукаваць рублёў, дэвальваваўшы іх да долара, і павысіць стаўку рэфінансавання – каб утаймаваць інфляцыю. У выніку беларус, які сёння ўзяў крэдыт на прывабных умовах, можа сутыкнуцца са значна большымі выплатамі па крэдыце пры значна меншым заробку.

Станіслаў Івашкевіч, belsat.eu