Галоўная » политика » Page 116

политика

Магілёў: 12 мая ўсіх затрыманых за акцыі ў сувязі з блогерам Сяргеем Ціханоўскім пакаралі арыштамі

У магілёўскіх судах 12 мая працягнуўся разгляд адміністрацыйных спраў у дачыненні да журналістаў і грамадскіх актывістаў. Усе яны былі абвінавачаны ў парушэнні закона аб масавых мерапрыемствах і пакараны суткамі арышту.

Сустрэча з блогерам Сяргеем Ціханоўскім, які прыехаў 5 мая ў Магілёў, каб паразмаўляць са сваімі падпісчыкамі і прыхільнікамі, для многіх ужо каштавала свабоды.

У 9-30 у судзе Кастрычніцкага раёна горада Магілёва пачаўся разгляд адміністрацыйнай справы пазаштатнага карэспандэнта БелаПАНа Алеся Асіпцова. Алесь знік 9 мая ў Бабруйску пасля акцыі аўтамабілістаў “Антыпарад”. Пазней высветлілася, што яго затрымалі і даставілі ў ІЧУ ў Магілёве.

Адміністрацыйная справа супраць Алеся Асіпцова была ўзбуджана за ўдзел у несанкцыянаваным масавым мерапрыемстве  – сустрэчы каманды блогераў “Краіны для жыцця” са сваімі падпісчыкамі ў Магілёве 5 мая. Асіпцоў сапраўды прысутнічаў на мерапрыемстве, але ён там быў у якасці журналіста, які назіраў за падзеямі і рабіў фота для падрыхтоўкі матэрыяла аб падзеі.

Пасля свайго затрымання і дастаўкі ў ІЧУ ў Магілёве Алесь Асіпцоў увесь час трымаў галадоўку. Пра гэта ён сам распавёў калегам-журналістам, пасля таго, як яго даставілі ў суд Кастрычніцкага раёна.

Неабходна адзначыць, што суддзя Наталля Ясенка не пусціла ў свой кабінет на разгляд справы Асіпцова людей, якія прыйшлі падтрымаць Алеся ў судзе., спаслаўшыся на эпідэміялагічную сітуацыю. У кабінет суддзі не пусцілі нават дачку Асіпцова Яніну.

У судзе А.Асіпцоў заявіў, што ён працаваў падчас сустрэчы блогераў з магілёўцамі, як журналіст. Ён мае адпаведнае журналісцкае пасведчанне, меў заданне рэдакцыі і быў абазначаны адпаведным бэйджам. Сваю віну ў парушэнні закона аб масавых мерапрыемствах журналіст не прызнаў.

Пасля перапынка для вынясення прысуду сакратар судовага пасяджэння запрасіла журналістаў і прыйшоўшых падтрымаць Асіпцова актывістаў у залу для агалошання рашэння суда. Аргументы Асіпцова на суддзю Наталлю Ясенка ніякім чынам не падзейнічалі, яна зачытала пастанову аб пакаранні журналіста 10 суткамі арышту згодна ч.1 арт.23.34 КаАП РБ за ўдзел у несанкцыянаваным масавым мерапрыемстве.

Пасля вынясення судовага рашэння А.Асіпцоў заявіў, што ён працягне галадоўку да сканчэння тэрміна адбыцця пакарання. Журналіст адразу напісаў скаргу на рашэнне суда Кастрычніцкага раёна Магілёва ў Магілёўскі абласны суд.

У 10 гадзін раніцы ў судзе Ленінскага раёна Магілёва працягнуўся разгляд адміністрацыйнай справы журналіста-фрылансера Аляксандра Буракова (старэйшага). Суддзя Вікторыя Палякова адразу зачытала рашэнне аб пакаранні журналіста 10 суткамі арышту за ўдзел у несанкцыянаваным масавым мерапрыемстве.

Алесь Буракоў

Аргументы Буракова, што ён не ўдзельнічаў ні ў якім масавым мерапрыемстве, а выконваў свае журналістскія і праваабарончыя функцыі, на суддзю Палякову ніякім чынам не падзейнічалі.

А.Буракоў адразу ж напісаў скаргу на рашэнне суда Ленінскага раёна ў абласны суд. Супрацоўнікі міліцыі пасля гэтага адразу ж забралі журналіста для адбыцця пакарання ў магілёўскі ІЧУ.

У 16-00 у судзе Ленінскага раёна Магілёва працягнуўся разгляд адміністрацыйнай справы магілёўскага відэааператара і блогера Міхаіла Аршынскага.

Разгляд справы Міхаіла Аршынскага ў судзе пачаўся яшчэ 8 мая. Аднак суддзя Аксана Ратнікава, у адказ на хадайніцтва Аршынскага пра неабходнасць пошуку адваката для сваёй абароны ў судзе, абвесціла перапынак судовага пасяджэння да 16.00 12 мая. За гэты час Аршынскі мусіць заключыць дамову з адвакатам.

Літаральна праз некалькі хвілін пасля рашэння суддзі Ратнікавай Аршынскі зноў быў затрыманы супрацоўнікамі міліцыі наўпрост ў будынку суда. Міліцыянеры вывелі журналіста праз службовы ўваход, пасадзілі ў машыну і даставілі ў Магілёўскі ізалятар часовага ўтрымання.

11 мая суддзя суда Кастрычніцкага раёна Магілёва Таццяна Міхайлава пакарала Міхаіла Аршынскага  10 суткамі арышту “за ўдзел у несанкцыянаваным масавым мерапрыемстве” за тое, што 5 мая журналіст рабіў стрымы з акцый у падтрымку блогера Сяргея Ціханоўскага ў Магілёве.

12 мая Аршынскага даставілі ў Ленінскі суд прама з ІЧУ, дзе ён адбывае пакаранне. Падчас пасяджэння журналіст, правёўшы некалькі сутак ў турэмнай ізаляцыі, выглядаў вельмі стомленым і, магчыма таму, на пытанне суддзі, ці патрэбен яму яшчэ адвакат, адказаў адмовай.

Падчас судовага пасяджэння журналіст сцвярджаў, што не ўдзельнічаў ні ў якім масавым мерапрыемстве, а проста выконваў рэдакцыйнае заданне, асвятляючы для “Магілёўскага рэгіёна” акцыю ў падтрымку блогера С.Ціханоўскага.

Усе гэтыя аргументы не аказалі ніякага ўплыву на суддзю Ратнікаву. Ужо ўвечары яна вынесла рашэнне аб пакаранні Міхаіла Аршынскага 11 суткамі арышту.

Разам з учарашнімі дзясяццю журналіст правядзе ў ІЧУ у Магілёве 21 суткі.

12 мая ў Кастрычніцкім судзе Магілёва таксама была разгледжана адміністрацыйная справа грамадскага актывіста Андрэя Бодзілева. Яго абвінавацілі ў тым, што 5 мая на Віцебскім праспекце, калі натоўп абараняў ад міліцыі аднаго з членаў каманды блогераў “Краіна для жыцця”, ён рабіў відэаздымку.

Андрэй Бодзілеў папрасіў не ўжываць да яго адміністрацыйны арышт, паколькі ў яго на ўтрыманні знаходзіцца састарэлая мама, у яе інваліднасць II групы.

Нягледзечы на гэта, суддзя Дзяніс Кічыгін прыняў рашэгнне пакараць актывіста 7 суткамі арышту.

Супрацоўнікі міліцыі накіравалі А. Бодзілева ў ІЧУ для адбывання пакарання ў адной машыне з Алесем Асіпцовым.

Фота: Алесь Сабалеўскі, Іван Барысаў

Відэа: Яўген Глушкоў

Іван Барысаў

 

Суд у Магілёве пакараў блогера і журналіста Міхася Аршынскага за распаўсюд інфармацыі

Сёння суддзя Ленінскага райсуда Магілёва Аксана Ратнікава пакарала 11 суткамі арышту відэаблогера і аператара «Магіёўскага … чытаць далей

Журналісту Буракову пагражае арышт за дзве хвіліны «ўдзелу» ў сустрэчы прыхільнікаў блогера Ціханоўскага

Суддзя Ленінскага райсуда Магілёва Вікторыя Палякова, пачаўшы сёння разгляд справы журналіста «Магілёўскага рэгіёна» Алеся Буракова, … чытаць далей

Магілёў накрыла хваля палітычных рэпрэсій

Каля дзесятка чалавек 11 мая былі пакараныя адміністрацыйнымі арыштамі ці штрафамі за ўдзел, як сцвярджаюць улады, у несанкцыянаваных масавых мерапрыемствах. Сярод іх відэааператар «Магілёўскага рэгіёна» Міхась Аршынскі.

Сустрэча з блогерам Сяргеем Ціханоўскім, які прыехаў 5 мая ў Магілёў, каб паразмаўляць са сваімі падпісчыкамі і прыхільнікамі, для некаторых ужо каштавала свабоды. Нагадаем, што 5 мая стаўшы за невялікі час вядомым у Беларусі блогер наладзіў сустрэчу са сваімі падпісчыкамі ў Магілёве на Віцебскім праспекце і каля гіпермаркета «Гіппа». Міліцыя расцаніла гэта як несанкцыянаванае масавае мерапрыемства. Потым пачаліся затрыманні. Перш наперш былі затрыманыя госці Магілёва з каманды Ціханоўскага. І ўжо 8 мая пачаліся суды. Блогераў Уладзіміра Няронскага, Арцёма Сакава, Аляксандра Арановіча асудзілі да адміністрацыйнага арышту. Так, Няронскі атрымаў 10 сутак знаходжання ў ІЧУ, Арановічу – шэсць, Сакаву – пяць.

Таксама адбыліся суды па магілёўцах. Сцяпан Лазаронак атрымаў пяць сутак арышту, Вячаслаў Зайцаў – двое сутак.

У той жа дзень пачалі судзіць відэааператара «Магілёўскага рэгіёну» Міхася Аршынскага, які як відэаблогер здымаў сустрэчу з Ціханоўскім. Таксама ён здымаў 6 мая людзей каля ІЧУ, што сабраліся там, жадаючы ведаць, што адбылося з іх кумірам. Аршынскага затрымалі ўвечары 7 мая, калі ён выйшаў са свайго дому. Яму таксама інкрымініравалі удзел у несанкцыянаваным масавым мерапрыемстве. Суддзя Ленінскага суда Ратнікава задаволіла яго хадайніцтва аб выдзяленні часу на пошук адваката і перанесла суд на 12 мая. Аднак пачаць пошукі адваката журналісту не ўдалося – адразу пасля пасяджэння ён быў затрыманы па другой аналагічнай справе і адвезены ў ІЧУ.

Міхась Аршынскі і Барыс Бухель

11 мая магілёўскія раённыя суды зноў разглядалі справы затрыманых раней за сустрэчу з блогерам Ціханоўскім. Сярод іх была актывістка АГП Таццяна Сівачэнка. Яна пакуль адзіная, якой быў прысуджаны штраф, а не арышт. Маладая жанчына павінна сплаціць 25 базавых велічынь (675 рублёў). Адзначым, што яе затрымалі 8 мая, калі актывістка святкавала ў сябе дома ўласны дзень нараджэння.

Таццяна Сівачэнка

Міхасю Аршынскаму, які да 11 мая ўжо чацвёра сутак знаходзіўся за кратамі, Кастрычніцкі суд Магілёва прызначыў 10 сутак арышту. І 12 мая яго чакае яшчэ адзін працэс.

Таксама 11 мая былі пакараны арыштамі за сустрэчу з блогерам Ціханоўскім Уладзімір Барэйша (8 сутак), Мікіта Ігнашын (10 сутак), Барыс Огнеў (7 сутак), Іна Джумава (3 сутак).

Уладзімір Барэйша

Акрамя ўдзельнікаў сустрэчы з Ціханоўскім, 11 мая судзілі і тых, хто змагаецца за чысціню магілёўскага навакальнага асяроддзя. Пару разоў яны, па прыкладзе брэсцкіх актывістаў, выходзілі карміць галубоў. За гэта на 15 сутак арыштаваны Станіслаў Паўлінковіч, які быў затрыманы 7 мая па выхадзе з працы на заводзе. На свой прысуд палітычны актывіст адказаў воклічам «Ганьба!». Да 10 сутак адміністрацыйнага арышту за кармленне галубоў прыгаварылі Стаса Расінскага.

Сярод тых, хто яшчэ чакае суда ў ІЧУ – журналіст Алесь Асіпцоў, які быў затрыманы ў Бабруйску на «Антыпарадзе», які наладзілі 9 мая прыхільнікі Ціханоўскага, і магілёўскі экаактывіст Андрэй Бодзілеў. Сёння ж з ізалятара быў дастаўлены на суд журналіст «Магілёўскага рэгіёна» Алесь Буракоў. Пра яго працэс – у далейшых матэрыялах.

Алесь Буракоў

Варта адзначыць, што інкрымініраваныя затрыманым і асуджаным правапарушэнні – удзел у несанкцыянаваных масавых мерапрыемствах абсалютна беспадстаўны і парушаюць правы чалавека. Бо, згодна з падпісаным і ратыфікаваным Беларуссю Пактам аб грамадзянскіх і палітычных правах, карыстанне правам на мірныя сходы не падлягае ніякім абмежаванням, акрамя тых, што накладваюцца ў адпаведнасці з законам і якія неабходны ў дэмакратычным грамадстве ў інтарэсах дзяржаўнай ці грамадскай бяспекі, грамадскага парадку, аховы здароўя і маралі насельніцтваці абароны праў і свабод іншых асоб. З таго, што адбывалася пры сустрэчах з блогерам Ціханоўскім у Магілёве і пры кармленні галубоў, нічога, аб чым гаворыцца ў Пакце, не было парушана.

Фота: Алесь Сабалеўскі, Яўген Глушкоў

Уладзімір Лапцэвіч

 

Выборы: Лукашенко и вирус подкосили оппозицию, но возникли чертики из табакерки

На фоне растерянности традиционных противников режима обрисовались интригующие фигуры — блогер Тихановский, номенклатурщик Цепкало, пишет Александр Класковский … чытаць далей

Как в Бобруйске задерживали Галину Смирнову: 11 омоновцев на одну женщину

Руководителя Бобруйской региональной организации РЭП задержали в Бобруйске 9 мая. Галина Смирнова написала три жалобы на действия сотрудников милиции.

Как рассказала praca-by.info Галина Смирнова, ее и еще двух членов профсоюза задержали на улице.

Задержали троих: Галину Смирнову, Владимира Романовского и Александра Борисенко. На всех троих составлены только протоколы опроса.

-Мы акцию собирались провести и раздавали бюллетень профсоюза РЭП. Но не успели дойти до сквера, как нас загрузили в автозак и отвезли в ГАИ. Целый день продержали, – сообщила Галина Смирнова.

В этот день в городе проводилась акция “Анти-парад”, поэтому спецслужбы строили массовую зачистку активистов.

Протоколы об административном правонарушении в отношении Галины Смирновой не составлялись:

-Это было невозможно, так как я все забыла и без защитника вспомнить не представлялось возможности. А закрыть меня никак нельзя, я оформлена по уходу за инвалидом 1 гр. По закону нельзя. А муж после моего задержания позвонил в 102 и заявил о пропаже жены. Сказал, что я пошла за продуктами и памперсами для больного и пропала. Больной срочно нуждается в смене белья и хочет есть. Ну и устроил скандал.

Активистка сообщила, что ее опрашивали под видеозапись и с нарушением закона:

-Меня по началу допрашивал милиционер со всеми нарушениями закона, которые только могут быть. Без протокола, но при этом велась видеозапись. Камеру направили прямо на меня. Потом хотели провести обыск с раздеванием догола. Уже пригласили понятых- женщин. Милиционер, который давал команды, не представился, сказал, что для меня это не важно. Пытался сорвать с меня значок, а это значит схватил за грудь. И это все на камеру. Причиной такого бешенства стало содержимое написанного на значке: “Внимание! Ведётся аудио-видео регистрация”.

-Затем пришел другой милиционер, который занимается розыском, и меня забрал. Ему я дала объяснения, куда я пропала и каким образом, – подытожила Галина Смирнова.

Фото: Александрина Глаголева