10 лютага ў Шклове адбылося другое пасяджэнне суда над старшынёй партыі БНФ Рыгорам Кастусёвым за ўдзел у несанкцыяваным мітынгу супраць інтэграцыі з Расіяй. Вынік суда – штраф у 30 базавых велічынь.
Першае пасяджэнне адбылося 28 студзеня, але было перанесена з-за неяўкі сведкаў. Зараз у судзе падрыхтаваліся больш грунтоўна: сведкі, два міліцыянеры з Мінску, давалі тлумачэнні па справе і адказвалі на пытанні суддзі Святланы Баранцавай і Рыгора Кастусёва па скайпу з зала суда Савецкага раёна сталіцы.
Трэба сказаць, што, як і на першае пасяджэнне суда, Рыгора Кастусёва прыйшлі падтрымаць шматлікія сябры.
На судзе Рыгор Кастусёў выступаў без абаронцы (юрыдычную дапамогу забяспечыў вядомы праваабаронца Барыс Бухель), але зрабіў гэта на даволі прафесійным узроўні. Ва ўсялякім разе ён даказаў, што дакументы Маскоўскага г.Мінска і Шклоўскага РАУС не даказваюць віны падсуднага. Пратаколы аформлены не акуратна, прозвішча Кастусёва перакручана, памылкі дапушчаны супрацоўнікамі абоіх РАУС. Адзін з фотаздымкаў нават быў прысабечаны да справы з іншага мерапрыемства і не ад 20.12.2019 года, калі адбыўся мітінг на плошчы Незалежнасці.
Тым больш, што аптымізму яму займаць не прыйшлося.
Рыгор Кастусёў наогул лічыць, што Пастанова аб прыцягненні да адказнасці за ўдзел у мерапрыемстве за адстойванне незалежнасці Беларусі не мае сілы. Тым больш, што дакументы Маскоўскага РАУС аформлены неналежным чынам, фактычна адсутнічаюць першастныя дакументы для ўзбуджэння справы супраць Кастусёва. Рыгор Андрэевіч зноў нагадаў аб парушэнні рада міжнародных дагавораў, падпісаных безагаворачна Беларуссю і якія зараз парушаюцца ў Шклоўскім судзе. Таксама звярнуў на адказнасць суддзі перад Законам, на неабходнасць прынцыповай ацэнкі сітуацыі, у тым ліку неабходнасці вынясення прыватнага вызначэння аб неналежным выкананні абавязкаў супрацоўнікам Шклоўскага РАУС маёрам Бугаёвым.
Першы сведка, Кашынскі Дзяніс, разумее беларускую мову і быў не супраць яго фатаграфавання ў скайпе.
Ён прысутнічаў ў якасці міліцыянта на несанкцыянаваным мітынгу 20.12.2019 года, на якім выступаў Рыгор Кастусёў. Але падыход трохі іншы ў інтэрпрэтацыі падзей – мітынг праводзіўся супраць інтэграцыі з Расіяй і ніводнага слова пра незалежнасць Беларусі. Прыгэтым ён адзначыў, што Рыгор Кастусёў парадку не парушаў, але чуў, як той сказаў “Жыве Беларусь”.
Другі сведка Палякоў Максім фатаграфаваць сябе забараніў. Але адзначыў, что Рыгор Кастусёў на мітынгу выступаў на беларускай мове (відаць, ўсе ж такі разумее).
Трэба сказаць, што падпісаныя пратаколы сведкаў былі складзены, як пад капірку. Выступы таксама асаблівай арыгінальнасцю не вызначаліся. На пытанні Рыгора Кастусёва абодвы сведкі адказвалі не зусім упэўнена.
Але у выніку суддзя Святлана Баранцава вынесла прыгавор: штраф 30 базавых велічынь.
А можа і праўда няма грошай у дзяржавы, бо прыцягваюць да адказнасці сапраўдных патрыётаў. Тады на самай справе трэба гучней казаць “Жыве Беларусь!”
Петр Мігурскі
