Галоўная » Рыгор Кастусёў » Page 10

Рыгор Кастусёў

У Шклове адбылася справаздача мясцовай арганізацыі ТБМ і сустрэча з пісьменнікам Міхасём Булавацкім

У Шклове 23 студзеня ў грамадскім цэнтры “Мост” адбылося сумеснае пасяджэнне грамадзянскай ініцыятывы “Шклоўскі магістрат” і раённай арганізацыі ГА “Таварыства беларускай мовы імя Ф.Скарыны”.

На пачатку пасяджэння адбылася справаздача дзейнасці Шклоўскай раённай арганізацыі ТБМ за 2018 год, з якой выступіў старшыня Шклоўскай раённай арганізацыі ТБМ Аляксандр Грудзіна.

Таксама перад удзельнікамі пасяджэння выступіў Старшыня Магілёўскай абласной рады Таварыства беларускай мовы, беларускі пісьменнік Міхась Булавацкі.

Прысутныя мелі магчымасць задаць свае пытанні выступоўцам. Потым удзельнікі пасяджэння абмяняліся думкамі, меркаваннямі і прапановамі па дзейнасці мясцовага аб’яднання “Таварыства беларускай мовы імя Ф.Скарыны” і Магілёўскага абласнога аддзялення грамадскага аб’яднання “Саюз беларускіх пісьменнікаў”.

Удзельнікі сустрэчы абмеркавалі далейшыя планы сваёй дзейнасці ў новым 2019 год. Сярод іншых накірункаў працы вырашана зноў вярнуцца да пытання ўвекавечанню ў горадзе Шклове памяці пісьменніка Міхася Зарэцкага.

Арганізатарамі сустрэчы выступілі грамадзянская ініцыятыва “Шклоўскі магістрат” і раённая арганізацыя ГА “Таварыства беларускай мовы імя Ф.Скарыны”. Вёў сумеснае пасяджэнне і падвеў вынікі дзейнасці Рыгор Кастусёў, кіраўнік грамадзянскай ініцыятывы “Шклоўскі магістрат”.

Алесь Грудзіна

Атака зомбі: сталіністы просяць генпракуратуру ліквідаваць Партыю БНФ

Як стала вядома Партыі БНФ з паведамленьняў некаторых інтэрнэт-рэсурсаў, шэраг прарасейскіх арганізацыяў зьвярнуліся ў Генэральную пракуратуру Рэспублікі Беларусь з заклікам распачаць працэс ліквідацыі Партыі БНФ.

Зварот падпісаны чатырма грамадзкімі аб’яднаньнямі, адной прыватнай установай і адным самаабвешчаным “каардынацыйным саветам” нявызначанага юрыдычнага статуса. Частка падпісантаў дакумэнту добра вядомыя як даўнія ворагі ўсяго беларускага, у тым ліку сярод іх фігуруюць даўнія ненавісьнікі беларускага нацыянальнага руху, што вядуць сваю шкодніцкую працу яшчэ з савецкіх часоў.

Нагодай для зварота паслужыла заява Сойму Партыі БНФ “Беларуская мова – найважнейшы фактар нацыянальнай бясьпекі для незалежнай беларускай дзяржавы“, агучаная 12 студзеня.

Сярод іншага, у звароце шасьці сталінісцкіх ды іншых шавіністычных арганізацыяў хлусьліва і безпадстаўна заяўляецца пра наяўнасьць у дзеяньнях Партыі БНФ злачынства, прадугледжанага артыкулам 130 Крымінальнага кодэкса.

Партыя БНФ зьвяртае ўвагу на тое, што некаторыя прадстаўнікі арганізацыяў-падпісантаў гэтага даносу ў мінулым годзе былі самі асуджаныя да пакараньня за распальваньне міжнацыянальнай варажнечы паводле артыкула 130 Крымінальнага кодэкса Рэспублікі Беларусь (гэтак званая “справа Рэгнума”), а раней былі ініцыятарамі стварэньня гэтак званага “Эўразійскага Фронта”.

Сытуацыю камэнтуе старшыня Партыі БНФ Рыгор Кастусёў:

Рыгор Кастусёў

– Можна было б толькі пасьмяяцца над гэтым наіўным даносам у беларускую пракуратуру. Гэта не першы раз калі сталіністы і іншыя памагатыя расейскага імпэрыялізму спрабуюць забрудзіць імя БНФ абвінавачаньнямі ў экстрэмізме. Так было ў савецкія часы, так здараецца ў часы выбарчых кампаніяў. Прыгадваю, як у 2016 годзе такая ж задумка была ў дэпутата расейскай дзярждумы і галоўнага юрыста КПРФ Вадзіма Салаўёва – той у расейскую генпракуратурузьвяртаўся з заклікам прызнаць БНФ і Малады Фронт экстрэмістамі, але ні да чаго гэта не прывяло. Натуральна, беларуская пракуратура ведае хто тут насамрэч ёсьць экстрэмістам і хто працуе супраць беларускага народа і беларускіх інтарэсаў (пра гэта нават у мінулым годзе на адрас прадстаўнікоў гэтай бруднай “Новай эканомікі” і прысуды выносіліся за распальваньне антыбеларускай варажнечы).

Паказальна, што гэтыя мікраскапічныя арганізацыі спрытна выскачылі як па камандзе – адазу ж калі ў расейскіх СМІ пачалася гістэрыка наконт прыкрыцьця каналаў вядзеньня інфармацыйнай вайны супраць Беларусі, наконт “казака ў менскім метро”. Мы, Партыя БНФ, успрымаем гэты данос як самавыкрыцьцё дабраахвотных памагатых ворага ў інфармацыйнай вайне, якая вядзецца цяпер супраць Беларусі – гэта такіе сабе сваеасаблівыя “дыверсанты інфармацыйнай вайны”.

Калі нашая заява выклікала такую нэрвовую рэакцыю прарасейскіх шавіністаў што ў Маскве, што ў Менску – значыць, яна б’е дакладна ў мэту (хоць адрасаваныя нашыя заклікі не ім, а беларускаму народу). Гэтыя ж быццам бы “лева-патрыятычныя” ды “камуністычныя” структуркі толькі вонкава гуляюцца ў левы рух – насамрэч яны даўна ўжо ёсьць усяго толькі часткай мэханізму расейскага імперыялістычнага ўплыву ў Беларусі, а папросту – наймітамі, “пятай калонай”. Тобок шараговыя актывісты ў іх могуць быць шчырымі сталіністамі і прыхільнікамі бальшавіцкіх забабонаў – а самі структуры даўна ўжо стаяць на службе расейскага імперыялізму ці звязаных з крамлёўскімі спэцслужбамі алігархаў.

Дарэчы, сярод ворагаў беларускай дзяржавы самі гэтыя шэсьць арганізацыяў не ёсьць самыя небяспечныя – ну якая рэальная пагроза можа быць ад “жывых мерцьвякоў” ДСПС ці таго ж блазна Школьнікава з яго ралявымі гульнямі ў КПСС? Гэтыя проста бясхітрасна змалпавалі тое, пра што ім сказалі з Масквы. Сапраўды небяспечныя сруктуры ўплыву працуюць інакш, больш прыхавана і вытанчана – і з нашага пункту гледжаньня менавіта на іх і варта зьвярнуць увагу пракуратуры. На нашых вачах за грошы фонда “рускі мір”, “россотруднічества” і “фонда Гарчакова” у Беларусі ствараецца інфраструктура ўплыву, у тым ліку інфармацыйнага, у тым ліку праз сацыяльныя сеткі.

Наконт практычнай небяспекі ад гэтага даносу і закліку ліквідаваць БНФ мы не пераймаемся. Для прарасейкіх  экстрэмістаў любога гатунку і любой ідэалагічнай афарбоўкі самая наяўнасць незалежнай беларускай дзяржавы ёсьць непрыймальная – яны хацелі б ліквідаваць не БНФ, а ўвогуле беларускую дзяржаву, беларускую мову і ў прынцыпе былі б радыя калі б беларускі народ увогуле зьнік. Пазыцыя гэтых структур нам вядомая – і мы не дапусьцім каб на беларускай зямлі ў іх быў шанец рэалізаваць свае цёмныя пляны ды разьвязаць свой крывавы спэктакль.

Нагадаем, у заяве ад 12 студзеня Сойм Партыі БНФ даў ацэнку бягучай палітычнай сытуацыі і таму ціску на нашую крану, які ажыцьцяўляецца з боку Масквы і які суправаджаўся агрэсіўнай антыбеларускай прапагандысцкай кампаніяй у расейскіх СМІ (у тым ліку на тэлеканалах, у інтэрнэце і ў сацыяльных сетках). Партыя БНФ заклікала беларусаў змагацца з расейскім інфармацыйным уплывам, у тым ліку адзначаючы важнасьць беларускай мовы як сродка ўмацаваньня нацыянальнай бясьпекі. Сойм БНФ абвесьціў 2019 год годам беларускай мовы і заклікаў да канкрэтных крокаў па ўмовацавньні беларускай мовы як найважнейшага фактару нацыянальнай бясьпекі для незалежнай беларускай дзяржавы: заклікаў вывучаць беларускую мову, карыстацца ёй, пазначаць у якасьці мовы паўсядзённага ўжытку падчас перапісу, падтрымліваць беларускую мову яе ўжываньнем ў рэклямных кампаніях. Сярод іншага партыя заклікала абмежаваць уплыў расейскіх тэлеканалаў, якія распальваюць міжнацыянальную варажнечу і па-сутнасьці ёсьць сродкамі вядзеньня інфармацыйнай вайны супраць нашай краіны, замяніўшы іх праграмамі ўласнай вытворчасьці альбо збалансаваным наборам замежных тэлепраграмаў з розных іншых краінаў.

Крыніца: narodny.org

 

Глава Партии БНФ: последние заявления Лукашенко о выборах скандальны и показательны

Заявления Александра Лукашенко о предстоящих избирательных кампаниях, сделанные им 24 ноября при назначении новым председателем Мингорисполкома Анатолия Сивака, председатель Партии БНФ Григорий Костусев назвал «скандальными и показательными», передает БелаПАН.

Напомним, предстоящие парламентские и президентские выборы Лукашенко назвал экзаменом, который «мы все будем сдавать». «Мы не будем довлеть над народом и продвигать какую-то одну кандидатуру. Мы должны подойти к выборам так, чтобы в умах людей даже не было альтернативы», — сказал он. При этом Лукашенко отметил, что, естественно, будут альтернативные кандидаты в депутаты и президенты. «Но они (народ Беларуси. — БелаПАН.) при всех недостатках власти должны понимать и оценить власть положительно», — заявил он.

«Разумеется, во время избирательной кампании мы будем обращать внимание международных наблюдателей на то, что Лукашенко раздает органам местной власти указания касательно ведения агитации в пользу его переизбрания, — цитирует Костусева пресс-служба партии. — Подобные заявления — яркое свидетельство того, что система местных советов и исполкомов на самом деле является не реальным местным самоуправлением, которое зависит от воли людей, а инструментом в руках единоличного управляющего, винтиком в машине авторитаризма. Нам их роль естественно известна, так как местное самоуправление было уничтожено Лукашенко чуть ли не в первую очередь после прихода к власти. Но подобными заявлениями глава государства напоминает и внешним наблюдателям, каким образом и при помощи каких людей организуются выборы в Беларуси».

Помимо этого, отметил Костусев, в заявлениях Лукашенко «есть и четкий идеологический аспект». «Он говорит, что кандидатов на выборах может быть много, может быть альтернатива в бюллетенях, но альтернативы не должно быть в умах людей. Это принципиально важно: для нынешней власти несущественно, что на выборах будут спорить кандидаты на любой вкус. Для них важно, чтобы люди, обсуждая внешний вид и персоналии кандидатов, не задумывались над тем, что является настоящим политическим выбором. И я говорю сейчас не о каких-то программных деталях, которые привычны для выборов в демократических странах, я говорю о ценностном выборе», — заявил политик.

 

З прапановы Партыі БНФ надпісы на арцы на ўездзе ў Магілёў выкананыя на беларускай мове

Трыюмфальная арка, якая размешчаная на ўездзе ў Магілёў з менскага напрамку, займела надпіс на беларускай мове. З абодвух бакоў наверсе аркі размешчанае беларускамоўнае прысьвячэньне: “Стваральнікам Магілёва ў гонар 750-годдзя горада”.

Цяперашняя выява аркі (фатаздымак Радыё Свабода)

Паводле першапачатковых праектаў, якія былі прадстаўленыя ўладамі грамадзкасьці, усе надпісы на арцы было запланавана выканаць на рускай мове, піша інтэрнэт-сайт narodny.org.

Гэта выклікала справядлівае абурэньне людзей. Партыя БНФ накіравала ў магілёўскі гарвыканкам зварот з патрабаваньнем перагледзіць праект у накірунку выкарыстаньня ў аздабленьні аркі беларускай мовы і беларускіх нацыянальных традыцыяў: “Магілёў — беларускі горад, і вітаць гасцей ён павінен па-беларуску” – падкрэсліла партыя ў сваім звароце.

Як паведаміў старшыня Партыі БНФ Рыгор Кастусёў, перагляд выявы аркі стаўся вынікам супольных намаганьняў грамадзкасьці:

“Наагул гэтая забудова выклікае супярэчлівыя меркаванні – шмат хто з магіляўчан лічыць што гэтая арка гораду не вельмі і патрэбная, што яна занадта дарагая і насамрэч ёсць непатрэбнай “цацкай”. Але для нас, для БНФ, асабліва абуральным было тое, што вонкава аздабленне аб’екта паводле праекта было выканана на рускай мове. Як быццам бы прыязджаючы ў Магілёў з боку Менску вы заязджаеце ў нейкі расейскі горад.

Я размаўляў з чыноўнікамі на гэты конт, атрымалася падключыць да гэтага пытання дэпутата парламента Ігара Марзалюка, які, як магілёўскі гісторык, падтрымаў нашую пазыцыю. У выніку маем пэўны посьпех. Аб’ект канешне атрымаўся, як на мой погляд, вельмі эклектычны: на ім афіцыйны геральдычны сымбаль, герб Магілёва, што ўтрымлівае Пагоню, размешчаны па-над узнагародамі савецкага часу з састарэлай камуністычнай атрыбутыкай. Дарэчы, застаецца незразумелым размяшчэнне на аб’екце ордэна з выявай Леніна – такой узнагароды горад Магілёў нават у савецкія часы не меў (будзем на гэты конт падаваць асобны зварот). Такім чынам выява гэтай аркі ёсьць праяўленьнем непаслядоўнасці і палавіністасці ў ідэалогіі цяперашняй беларускай дяржавы. Але, прынамсі, арка аздобленая на беларускай мове і не будзе адчуваньне што прыязджаючы ў Магілёў вы заязджаеце ў нейкі Чалябінск” – сказаў Рыгор Кастусёў.

Цяперашняя выява надпісу на арцы – фатаздымак mogilev.online

Старшыня Партыі БНФ выказаў шкадаваньне, што ўлады не зладзілі сапраўды адкрытага і ўсебаковага абмеркаваньня праекта гэтай аркі, не падключылі да яго распрацоўкі шырокае кола беларускіх гісторыкаў, магілёўскіх краязнаўцаў і мастакоў.