На раніцу 17 красавіка ў Беларусі выявілі 4779 выпадкаў захворвання на каронавірусную інфекцыю, зь іх, паводле міністра аховы здароўя Ўладзімера Караніка:
- у Менску — 2308,
- у Віцебскай вобласьці — 1282,
- у Менскай вобласьці — 588,
- у Магілёўскай вобласьці — 217,
- у Гомельскай вобласьці — 193,
- у Берасьцейскай — 112,
- найменш у Горадзенскай — 79.
Нагадаем, што на раніцу 14 красавіка ў Магілёўскай вобласці было 151 хворых на каронавірусную інфекцыю.
У Асіповічах пацьвердзілі 32 выпадкі COVID-19, зь іх 12 у мэдычных работнікаў (завёз адзін з мэдыкаў, які езьдзіў за межы гораду «ў бытавых умовах»). Усе ня ў цяжкім стане.
Паводле міністэрства, на раніцу 17 красавіка:
- 4779 выпадкаў каранавіруснай інфэкцыі зарэгістраваныя агулам (міністэрства называе гэта колькасьцю «людзей з наяўнасьцю каранавіруснай інфэкцыі», уключае ў яе выпісаных і памерлых);
- 342 «паправіліся і выпісаліся», а агулам, як пазьней расказаў міністар здароўя, са стацыянараў выпісалі 582 чалавекі, якія мелі інфэкцыю або падазрэньні на яе;
- 42 памерлі, міністэрства сьцьвярджае, што памерлыя мелі «шэраг хранічных захворваньняў з выяўленай каранавіруснай інфэкцыяй»;
- колькі хворых шпіталізавалі і колькі адправілі дамоў хворымі і перасталі паведамляць, але з ранейшых зьвестак можна зрабіць выснову, што на самаізаляцыю адправілі нейкую колькасьць інфікаваных, да 634 чалавек на 14 красавіка;
- колькі пацыентаў «маюць патрэбу ў штучнай вэнтыляцыі лёгкіх», у цяжкім і крытычным стане, не паведамляецца;
- з гэтага і з ранейшых зьвестак вынікае, што ў Беларусі зафіксавалі 575 новых выпадкаў і 2 сьмерці за дзень;
- у краіне ад пачатку эпідэміі праведзена 86 813 тэстаў у 24 лябараторыях, у тым ліку прыватных.
Днём раней міністэрства паведамляла пра 4204 выпадкі каранавірусу (476 выпадкаў за дзень), 40 памерлых, піша Радыё Свабода.