Галоўная » Раёны » Page 661

Раёны

«Гісторыі КПСС я не давяраў». Былы падпалкоўнік адкрыў новыя Курапаты пад Магілёвам

Дзяды, Ноч расстраляных паэтаў… Можна шанаваць памяць не толькі сваіх блізкіх, але і людзей, імёнаў якіх ты не ведаеш. Магілёўскі краязнаўца Уладзімір Ярошчанка на падставе аповеду старажылаў падмагілёўскай вёскі Вільчыцы вызначыў невядомае месца, дзе ў часы сталінскага тэрору супрацоўнікі НКВД расстрэльвалі людзей.

Краязнаўца ўжо дамогся ўвекавечання памяці пацярпелых ад рэпрэсіяў, але не спыняецца на гэтым. Размаўляем з самым краязнаўцам Уладзімірам Ярошчанкам.

https://youtu.be/J4d-yqJbS2E

– Распавядзіце, калі ласка, як Вы выйшлі на след гэтага месца.

– Гэта была абсалютна новая інфармацыя ад маіх землякоў, нарадзінцаў вёскі Вільчыцы больш сталага ўзросту, 1929-30-х гадоў. Два гады таму, размаўляючы з імі, я даведаўся, што ў кіламетры ад вёскі Вільчыцы ў 1937-38-х гадах прывозілі і расстрэльвалі так званых ворагаў народу. Шмат хто з іх (вяскоўцаў) бегалі потым на тыя месцы і глядзелі свежыя магілы, хоць усё пасля расстрэлаў прытоптвалі, закідвалі мохам… Толькі ад іх я даведаўся. Усё гэта было мною запісана як успамін і скіравана ў Магілёўскі аблвыканкам, мясцовы КДБ, УВД, УУС, Магілёўскі райвыканкам і сельсавет Вяйнянскі. Спатрэбілася паўтара года, каб даказаць, – яны не хацелі гэтага рабіць – прадставіць пісьмовыя доказы, і тады толькі мясцовыя ўлады згадзіліся паставіць там паклонны крыж…

– Спадар Уладзімір, Вы падпалкоўнік міліцыі ў адстаўцы, Вы шукаеце месцы расстрэлаў, пішаце гарадскім уладам, навошта Вам гэтая гісторыя?

– У мяне гістарычная адукацыя. Я сам настаўнік гісторыі, да 26 гадоў працаваў настаўнікам гісторыі, экскурсаводам, усё гэта засталося ў душы. І я памятаю тыя лекцыі, каторыя нам выкладалі ў 60-я гады, дзе казалі пра тое, што ліквідацыя кулацтва як класу, расказачванне, усё гэта нібы неабходнае было для ўмацавання сталінскай улады. Але ў тыя гады – мае бацькі яшчэ былі жывыя – землякі мае распавядалі зусім іншае! Таму ўсе нашыя расповеды па гісторыі КПСС я падвяргаў сумневу…

Працяг размовы – у відэа.

Ігар Кулей, belsat.eu

 

Сюжэт пра падзею – у «Аб’ектыве»:

 

«Здымаў пасля дэбатаў з Рымашэўскім, там кімано стылю Бруса Лі»: Марзалюк расказаў пра свой кліп

Інтэрнэт рве перадвыбарчы кліп Ігара Марзалюка. Марзалюк расказаў «Нашай Ніве» пра абставіны стварэння гэтага шэдэўра. … чытаць далей

Дом Лукашэнкаў стаў «домам мэра». Як будуецца «сям’я» ў Шклове?

У былым доме жонкі першага прэзыдэнта Беларусі Галіны Радзівонаўны Лукашэнкі ў Рыжкавічах жыве старшыня Шклоўскага райвыканкаму Аляксандар Ціток. Свабода наведалася на Шклоўшчыну, дзе, як кажуць мясцовыя, пабудавалася сям’я Лукашэнкі.

«Усё сьціпленька, акуратненька»

Былы дом Галіны Лукашэнкі, дзе цяпер жыве старшыня Шклоўскага райвыканкаму

Вуліца Сунічная ў Шклове (гэта былыя Рыжкавічы) у будзённы дзень падаецца малалюднай. Тут ёсьць дзіцячая пляцоўка, вадаём. На пачатку вуліцы — знакаміты дом салатнага колеру, дзе раней жыла Галіна Радзівонаўна, жонка Аляксандра Лукашэнкі, якая яшчэ на пачатку ягонага прэзыдэнцтва адмовілася ехаць зь ім у Менск.

Шклоўцы кажуць, што цяпер «гэта дом мэра». Каля будынка не было ніякай аховы, двое мужчын фарбавалі прачыненую браму.

Старшыня Шклоўскага райвыканкаму Аляксандар Ціток у размове з карэспандэнтам Свабоды па тэлефоне пацьвердзіў, што ён там жыве.

«Гэты дом бясплатна перададзены ў камунальную ўласнасьць, і рашэньнем выканкаму ён выдзелены старшыні райвыканкаму для пражываньня. Гэта службовае жыльлё. Будаваў Аляксандар Рыгоравіч, у яго гісторыю не ўнікаў, — сказаў Аляксандар Ціток. — Жылая плошча невялікая, тры пакойчыкі. Гасьцёўня, кухня і маленькі пакойчык тыпу дзіцячага. Прыбіральня, ванна, як звычайна, усё сьціпленька, акуратненька. Гараж, сарайчык, і мы курэй трымаем, і агародзік маленькі, бульбачку садзім, і цяплічка ёсьць, гурочкі, памідорчыкі. Для старшыні дом — гэта нават лепш, чым кватэра, калі шчыра, калі якая хвілінка зьяўляецца, можна на зямлі папрацаваць. І сад ёсьць яблычкі пакласьці. Нармальна, нічога лішняга, скромненькі домік».

Галіна Лукашэнка жыве ў адным з новых дамоў, але яго нумару старшыня райвыканкаму ня ведае.

На Сунічную вуліцу ёсьць заезд толькі з боку шашы, а з другога боку тупік. Там вуліца перакрытая агароджай, хаця ў разьёме агароджы ёсьць сьцяжынка для праходу.

Плот пасярод вуліц

Шклаўчане кажуць, што тут, у канцы вуліцы, ёсьць новазбудаваны аднапавярховы драўляны дом, дзе стаяць відэакамэры, у двары цяплічка і сад. Гэта і ёсьць новы дом Галіны Лукашэнкі.

Новы дом Галіны Радзівонаўны

Тут жа праз дарогу жыве сям’я Сомавых, бацькоў жонкі старэйшага сына кіраўніка краіны Віктара Лукашэнкі. Каля іх ранейшага адрамантаванага дома пабудаваны драўляны двухпавярховік, абнесены агароджай.

Дом Сомавых

Мясцовыя кажуць, што яго гаспадар — цесьць Віктара Лукашэнкі Валеры Сомаў. На жаль, датэлефанавацца да Сомавых не ўдалося, ніхто не здымаў слухаўку.

Шклаўчане кажуць, што Віктар Лукашэнка па выходных наведваецца ў Шклоў і бывае на Сунічнай. Што да пабудоў, то адзін з жыхароў суседняй вуліцы сказаў карэспандэнту Свабоды, што гэта звычайныя дамы, пабудаваныя з матэрыялаў мясцовага камбінату, маўляў, ня тое, што людзі будуць пад Менскам.

Старшыня райвыканкаму кажа, што вуліца адкрытая.

«Там жа шлягбаўма няма, усё адкрыта, даступна. Галоўнае — ня лезьці да чалавека, у кожнага свая ўласнасьць. Многія ставяць сыгналізацыю і на мабільнік выводзяцца розныя функцыі аховы. Гэта як ва ўсіх», — кажа Аляксандар Ціток.

Сапраўды, па вуліцы можна свабодна праходзіць.

Тут жа ў Шклове, але ўжо на вуліцы Дзікуна, як кажуць мясцовыя, на бацькоўскай сядзібе збудавала двухпавярховы цагляны дом Ганна Лукашэнка, жонка сярэдняга сына кіраўніка краіны Дзьмітрыя. Жыхары вуліцы кажуць, што на ўчастку сярод пабудоваў ёсьць лазьня.

Дамы на вуліцы Дзікуна

«Як звычайныя грамадзяне»

Што да інфармацыі пра дамы сваякоў сям’і Лукашэнкі, то старшыня Шклоўскага выканкаму Аляксандар Ціток сказаў, што працуе ў Шклове нядаўна. «У іх ня быў, ня ведаю», — сказаў Аляксандар Ціток.

Паводле Цітка, «яны як звычайныя людзі, паводзяць сябе сьціпла і лішніх патрабаваньняў не прад’яўляюць».

«Хаця адчуваем адказнасьць, што высокі ўзровень, ну вось і Галіны Радзівонаўны. Але любога жыхара Шклоўшчыны спытайце, жывуць парадачна, сьціпла, як звычайныя грамадзяне», — сказаў Аляксандар Ціток.

Што вядома пра нерухомасьць Лукашэнак на Шклоўшчыне

Паводле дэклярацыі, прадстаўленай Аляксандрам Лукашэнкам на апошніх прэзыдэнцкіх выбарах у 2015 годзе, Галіна Радзівонаўна Лукашэнка валодала жылым домам у Шклове агульнай плошчай 115 квадратных мэтраў (паводле дэклярацыі за 2005 год агульная плошча дома складала 174 м²) і паловай жылога дома ў вёсцы Вялікі Межнік Шклоўскага раёну агульнай плошчай 53 м². Паводле дэклярацыі за 2005 год, Віктар і Дзьмітрый Лукашэнкі ня мелі ні дамоў, ні кватэр, ні зямельных участкаў ці лецішчаў. У дэклярацыі на наступных выбарах у 2010 годзе зьвесткі пра маёмасьць дзяцей у Цэнтравыбаркам ужо не падаваліся, як і на выбарах 2015 году.

Старэйшы сын Аляксандра Лукашэнкі Віктар з 2005 году займае пасаду памочніка прэзыдэнта па нацыянальнай бясьпецы. Таксама з 2007 году ён сябра Рады бясьпекі Беларусі. З красавіка 2019 году Віктар Лукашэнка выконвае абавязкі першага віцэ-прэзыдэнта Нацыянальнага Алімпійскага Камітэта.

Паводле мэдыя, яго жонка Лілія раней працавала ў канцэрне «Белмастацпромыслы» спэцыялістам 1-й катэгорыі. Пазьней зьявілася інфармацыя, што Лілію прызначылі намесьнікам дырэктара кампаніі «Дана Астра» (уваходзіць у Dana Holdings).

Яна таксама дырэктар арт-галерэі «Арт-хаос», што ў гандлёвым цэнтры Dana Mall у Менску.

Сярэдні сын кіраўніка краіны Дзьмітры — старшыня «Прэзыдэнцкага спартовага клюбу». Яго жонка Ганна ў кампаніі бізнэсоўца Анатоля Тарнаўскага «Юнівест-М» узначальвала службу маркетынгу. Ёй належыць маркетынгавая канцэпцыя прасоўваньня самага маштабнага ў Беларусі праекту малапавярховага элітнага жылога комплексу «Нотынгем» у Менскім раёне, разьлічанага на 20 тысяч жыхароў.

Аляксандар Лукашэнка з трыма сынамі наведваў малую радзіму ў мінулым годзе і працаваў на суботніку — парадкаваў Трафімаву крыніцу каля аграгарадка Александрыя. Кажуць, што Лукашэнка-старэйшы ў дзяцінстве любіў тут адпачываць, і крынічка адноўлена па яго даручэньні.

У Александрыі-2 вельмі добры асфальт, ёсьць дзьве верталётныя пляцоўкі. Тут адноўленая бацькоўская хата Аляксандра Лукашэнкі. Стаяць невялікія альтанкі. Выглядае, што цяпер там ніхто не жыве.

Бацькоўская хата кіраўніка Беларусі

Насупраць яе закрытая тэрыторыя пад аховай. Паводле шклоўцаў, там рэзыдэнцыя кіраўніка краіны.

У інтэрвію Tut.by у 2014 годзе цешча Лукашэнкі Алена Жалняровіч (яна жыла ў вёсцы Вялікі Межнік, што непадалёк ад Александрыі) распавядала, што Галіна Радзівонаўна жыве ў Александрыі, але вельмі часта езьдзіць у Менск.

З Галінай яна бачылася часта, дачка прыяжджала штотыдзень. Алена Жалняровіч памерла ў верасьні 2019 году.

Магіла Алены Жалняровіч

Рэзыдэнцыя кіраўніка краіны ў Александрыі-2 — пад пільнай аховай, хаця гаспадар сюды наведваецца зрэдку. Каля рэзыдэнцыі вялікі зямельны ўчастак абнесены мэталічнай агароджай, якая прылягае да дамоў вяскоўцаў.

Рэзыдэнцыя Лукашэнкі ў Александрыі-2 Агароджа рэзыдэнцыі

Жыхар аднаго з дамоў сказаў, што раней тут нібыта плянавалі збудаваць фэрму ці стайню, ды потым ад гэтых плянаў адмовіліся. Нібыта далей там ёсьць вульлі. Але агароджу, якая з аднаго боку перашкаджае праходу да вадаёму, не прыбралі. Праход на агароджаную тэрыторыю закрыты.

Фота: Радыё Свабода

Рыгор Кастусёў, лідар Партыі БНФ і зямляк Лукашэнкі

62-гадовы Рыгор Кастусёў — адзін з самых дасведчаных кандыдатаў у дэпутаты на гэтых выбарах у Палату прадстаўнікоў. У яго гэта ўжо пятая парламенцкая кампанія! Можа, на гэты раз пашанцуе, пытаецца “Еўрарадыё”? 

Сёння Кастусёў узначальвае Партыю БНФ. Трое яго дзяцей ужо дарослыя. Сын жыве ў Польшчы, пра што спадар Рыгор вельмі шкадуе. У праграме Змітра Лукашука “Кандыdating” палітык распавядае, як напачатку 1990-х сябраваў з Аляксандрам Лукашэнкам, навошта пайшоў на гей-прайд, ці прымусіў бы краіну займацца сексам па-беларуску і як давялося судзіцца за пенсію.

Хто гэтыя людзі, якія сёлета ідуць у дэпутаты? Побач з палітычнымі цяжкавагавікамі — новыя асобы, якія ўзяліся нібыта з ніадкуль. Як толькі стала вядома, каго зарэгістравалі, а каго не, рэдактар Еўрарадыё Зміцер Лукашук пачаў запісваць размовы з імі. Так з’явілася праграма “Кандыdating” — блізкае знаёмства з кандыдатамі ў дэпутаты.

Кандыдат у дэпутаты Ігар Марзалюк заспяваў

Выбарчы штаб дэпутата Палаты прадстаўнікоў Ігара Марзалюка падрыхтаваў і апублікаваў у сеціве агітацыйны відэасюжэт. Сюжэт уяўляе сабою відэакліп, у якім дэпутат спявае песню.

Асноўным момантам у агітацыйным відэакліпе Ігара Марзалюка стала яго трэніроўка ў спартовай залі. Спарынг-партнёр палітыка шпурляе яго на падлогу. А той у сваю чаргу спявае, што не істотна колькі разоў ён упадзе, «намагаючыся сарваць вясну».

«Белсат» датэлефанаваўся да Ігара Марзалюка і запытаў, як даўно палітык пачаў спяваць, а таксама пра што ж гаворыцца ў яго песні. Але дэпутат адмовіўся каментаваць.

Крыніца: “Белсат”

Лучший пропагандист среди сотрудников МЧС Могилевщины служит в Дрибине

На конкурсе профессионального мастерства работников групп и секторов пропаганды и взаимодействия с общественностью МЧС в Могилеве определяли лушего пропагандиста.

В конкурсе «Лучший пропагандист органов и подразделений по чрезвычайным ситуациям Республики Беларусь» приняли участие работники групп и секторов пропаганды и взаимодействия с общественностью из всех районов Могилевской области. За звание  лучшего боролись 16 работников, проработавших больше года в занимаемой должности.

По итогам многочисленных конкурсов победу одержал Александр Иванистов из Дрибинского РОЧС. Кстати сказать, Александр регулярно размещает свои материалы на нашем сайте, «Магілёўскі рэгіён» всегда готов предоставить сотрудникам МЧС информационную поддержку.

Третье место завоевала Марина Агеева из Горецкого РОЧС. На втором – Ольга Ковалькова из Бобруйского ГРОЧС.

Александр Иванистов будет представлять Могилевскую область  на республиканском конкурсе в Минске.

Фото: МЧС

 

«Нас людзі завочна пахавалі» — сям’я бабруйскага смяротніка

Маці асуджанага да расстрэлу жыхара Бабруйска Аляксандра Асіповіча, Антаніна Уладзіміраўна распавяла праваабаронцам «Вясны», да чаго прывяло парушэнне мясцовымі журналістамі прэзумпцыі невінаватасці і распаўсюдзе СМІ асабістых дадзеных іх сем’і.

Бабруйскія гарадскія газеты падчас следства да абвяшчэння прысуду апублікавалі адрасы сваякоў Асіповіча, месцы працы і іх фатаграфіі, узятыя з асабістай старонкі ў «Аднакласніках» абвінавачанага.

«Мы адразу сталі тэлефанаваць у рэдакцыі, якое яно мелі права публікаваць адрасы і фатаграфіі. Аднак нам адказвалі, што праблем у гэтым не бачаць, паколькі старонка Асіповіча ў „Аднакласніках“ адкрыта. Але пакуль ідзе следства, пакуль ён не прызнаны вінаватым, твар яго нават не павінны былі паказваць. А тут фатаграфіі і кватэры, і сям’і. Нават паказалі фатаграфію майго ўнука, пляменніка Аляксандра, якому яшчэ і трох гадоў няма.

Мы самі не маглі закрыць старонку, таму што следчыя канфіскавалі кампутар. Мы прасілі іх закрыць старонку, але мяне адправілі да ўчастковага. Той сказаў, што спецыялісты не могуць гэта зрабіць, паколькі „Аднакласнікі“ — расійская сацыяльная сетка», — распавядае маці Асіповіча, Антаніна Уладзіміраўна.

На старонцы ў «Аднакласніках» у Асіповіча было адзначана, хто яго брат і сястра. Журналісты настойліва тэлефанавалі нават ім, каб узяць інтэрв’ю.

«Адна сям’я патэлефанавала пасля такіх званкоў і сказала: «Адмоўся ад сына, забудзься на яго, глядзі сваю дачку. Ён табе не сын і нам не сваяк. А то тэлефануюць маім дзецям і пытаюцца!» Але як гэта адмоўся?..

«Яшчэ да абвяшчэння прысуду гарадскія журналісты пісалі артыкулы, дзе называлі маё імя і імя па бацьку, дзе я працую, месца працы дачкі. Падчас следства дапускалі сабе такія выразы ў дачыненні да майго сына як „забойца“, „монстр“, „чыкаціла“. Пасля гэтага мне людзі тэлефанавалі і казалі, што не будуць больш з намі размаўляць. Нас людзі проста завочна пахавалі», — распавядае маці Асіповіча.

Гэта ўсё прывяло да таго, што сястры Асіповіча прыйшлося змяніць месца працы, у яе дайшло да разводу з мужам.

«Начальнік выклікаў майго зяця і сказаў, бяры сям’ю і з’язжай з горада. Я не ведаю, што з вамі будзе на працы, і што з вамі будзе ў двары.

Быў выпадак, калі да дачкі з дзіцём падышоў незнаёмы чалавек і сказаў: вы яшчэ дыхаеце? Як вы жывеце ўвогуле? Ён ведаў у твар усю сям’ю, дзякуючы мясцовым газетам. Дачцы нават прыйшлося змяніць працу», — успамінае Антаніна Уладзіміраўна.

Сваякам Асіповіча ўдалося закрыць яго старонку з асабістымі дадзенымі сям’і толькі пасля таго, калі яму дазволілі пісаць лісты і ён змог выслаць пароль.

«Са дня затрымання да яго было прадузятае стаўленне. Яму адразу сказалі, што артыкул расстрэльны і яму не жыць. Супрацоўнікі міліцыі бегалі тады і віншавалі адзін аднаго з тым, што „новыя зорачкі“ сабе зарабілі, што злавілі яго цягам сутак. Так ён і не ўцякаў! Ён сядзеў каля пад’езду і не ведаў, куды яму падзецца», — успамінае тое, што здарылася маці Асіповіча.

Цяпер Аляксандр Асіповіч знаходзіцца ў камеры «смяротнікаў» у СІЗА-1 г. Мінска. Вярхоўны суд 14 траўня не задаволіў яго апеляцыйную скаргу. Ён рыхтуе наглядную скаргу.

«Сына на вуліцу не водзяць. Кормяць, як на „забой“. Радыё няма. Прэса нясвежая, у лепшым выпадку — тыднёвай даўнасці. Сядзіць у „адзіночцы“. Спатканні даюць кожны месяц. Прыводзяць на спатканні ў робе з мішэнню, якую яму надзелі адразу пасля суда. Са свайго адзення ў яго — толькі бялізна», — распавядае пра ўмовы ўтрымання маці асуджанага да смяротнага пакарання Асіповіча.

Аляксандр Асіповіч напісаў заяву на памілаванне на імя кіраўніка дзяржавы. Тое ж самае зрабіла і яго маці. Апошняй прыйшоў адказ, што заява будзе разгледжана на камісіі па памілаванні.

 

* Камісія па пытаннях памілавання пры Прэзідэнце Рэспублікі Беларусь была створана ў 1994-м. У яе абавязкі ўваходзіць разгляд прашэнняў аб памілаванні, што паступаюць на імя кіраўніка дзяржавы.

Кампаніі «Праваабаронцы супраць смяротнага пакарання» вядомы толькі адзін выпадак памілавання асуджаннага да смяротнага пакарання: у 2003 году Дзмітрыю Хархалю замянілі смяротны прысуд на 15 гадоў калоніі. Ён выйшаў на волю па УДВ, не дабыўшы год з прадугледжанага заключэння.

Паводле spring96.org

С 1 ноября сотрудники ГАИ усиленно проверяют автомобили на наличие допуска к участию в дорожном движении

С 1 ноября сотрудники Госавтоинспекции Могилевской области начали усиленно проверять автомобили на наличие допуска к … чытаць далей