В ОАО «Новая Друть» Белыничского района снова собираются наладить производство и реализацию одноименной минеральной воды. Кроме этого, хозяйство планирует начать выпускать артезианскую питьевую воду «Техтинская».
ОАО «Новая Друть»
Могилев: сила противохода 3
По итогам за 2020 год фермерским хозяйствам Могилевской области из бюджета выделено 847 тысяч рублей или по 20 рублей на 1 га сельскохозяйственных угодий. Иначе, как издевательством над аграрным потенциалом области эту «помощь» не назовешь. И не ищите иных источников финансирования – их может и не быть, ведь деньги выделялись на финансирование мероприятий Государственной программы развития аграрного бизнеса в Республике Беларусь на 2016-2020 гг.
«Неисправные тракторы заросли травой»: КГК проверил хозяйства Белыничского района
На календаре вторая половина октября, но в полях еще много работы. В кратчайшие сроки необходимо … чытаць далей
Рыгор Кастусёў: Аб прадукцыі інфармацыйных кухань дзяржаўных СМІ
Журналістыка лічыцца адной са старажытнейшых прафесій у свеце, якая ва ўсе часы будзе заставацца адной з самых неабходных. Бо пры недахопе інфармацыі, без якаснай працы журналістаў любы грамадзянін пачуваецца як пры недахопе паветра. Журналістаў яшчэ нярэдка называюць паварамі на кухне інфармацыі.
Але, калі гаворка заходзіць аб беларускай журналістыцы дзяржаўных сродкаў масавай інфармацыі, то тут на працягу болей двух дзесяткаў гадоў прагледжваецца яўнае спаборніцтва з прадстаўніцамі іншай старажытнай прафесіі. А ад той ежы, што рыхтуюць журналісты дзяржаўных СМІ на кухне інфармацыі, нярэдка, проста ванітуе. У тым ліку, калі гаворка заходзіць пра сапраўдную ежу – аб вытворчасці сыравіны і прадукцыі харчавання ў сельскагаспадарчых прадпрыемствах краіны.
Напрыклад, згодна інфармацыі БЕЛТА, у 2020 годзе аграпрамысловы комплекс краіны намалаціў 7,83 млн. тон зерня, што амаль супадае з устаноўкай з верху напярэдадні ўборачнай кампаніі – намалаціць не меней 7,8 млн.
Аграрыі Магілёўшчыны, згодна гэтай жа інфармацыі беларускага тэлеграфнага агенства, у бягучым годзе намалацілі больш 1 млн. тон зерня.
І асабліва “радуе” чытача прагнозная інфармацыя Белта аб ураджаі бульбы ў бягучым годзе. Згодна Белта, лідарамі па ўраджайнасці з’яўляюцца Віцебская і Магілёўская вобласці, дзе з аднаго гектара збіраюць 344 ц. і 455,4 ц. з гектара адпаведна.
У савецкія часы за такую ўраджайнасць бульбы працаўнікам сельгаспрадпрыемстваў даваліся дзяржаўныя ўзнагароды. Ды і для сучаснай Беларусі 455 ц/га па вобласці – гэта найвялікшы поспех, ці, нават, рэкорд.
Бо ў самы паспяховы год для ўраджайнасці бульбы – 2018 год, толькі адно сельгаспрадпрыемства Магілёўскай вобласці – фермерская гаспадарка “Дзіана” Шклоўскага раёна, – дасягнула ўраджайнасці 430 ц/га, сабраўшы 40% абласнога аб’ёма вытворчасці.
Але ж на Магілёўшчыне ёсць і іншыя сельгаспрадпрыемствы, якія займаюцца вырошчваннем бульбы. Як, да прыкладу, ААТ “Новая Друць” Бялыніцкага раёна – адзінае прадпрыемства вобласці, якое мае крухмальны завод для перапрацоўкі бульбы.
Яшчэ ў ліпені 2020 года ў “Магілёўскіх ведамасцях” быў размешчаны артыкул журналіста гэтага выдання В.Кубекі, дзе ён праз інтэрв’ю дырэктара гаспадаркі В.Закардонскага ў самых “вясёлкавых” танах маляваў самыя аптымістычныя карціны развіцця “Новай Друці”.
Тады дырэктар гаспадаркі запэўніваў, што з агульнага бульбянога кліна ў 375 гектараў чакаецца вельмі добры ўраджай, а журналіст ну прама не мог адвесці вачэй ад 160-гектарнага поля, якое, па яго меркаванні, заслугоўвала пэндзаля мастака.
Не прадбачылася тады, са словаў дырэктара, і праблемаў з уборкай і перапрацоўкай ураджая на крухмальным заводзе.
Прайшло два месяцы, і можна падводзіць вынікі аб праўдзівасці дырэктарскіх словаў, аб з’ядобнасці прадукцыі журналісцкай кухні “Магілёўскіх ведамасцяў”.
Нажаль, ежа, падрыхтаваная В.Кубекам на журналісцкай кухні “Магілёўскіх ведамасцяў”, зноўку, як і раней, аказалася з душком.
У той час, як некаторыя гаспадаркі вобласці ўжо падышлі да завяршэння ўборкі бульбы, у “Новай Друці” да гэтай пары яшчэ не выкапанымі застаюцца больш 70% бульбяных палеткаў. Ды і ўраджайнасцю гаспадарка не можа пахваліцца.
Усе аптымістычныя прагнозы па ўраджайнасці бульбы, наяўнасці тэхнікі для яе ўборкі і перапрацоўкі, засталіся пустым пшыкам.
Сведчаннем гэтаму з’яўляецца пустая пляцоўка для пераборкі бульбы побач з крухмальным заводам і прастойваючы да гэтай пары крухмальны завод па яе перапрацоўцы.
Мабыць, сёлета крухмальны завод спрацуе яшчэ горш, чым у мінулым годзе, калі было выраблена толькі некалькі тон крухмалу, альбо, верагодна, зусім не будзе запушчаны, бо перапрацоўваць-то няма чаго.
Так прастаіць цэлы завод, як прастойвае ўжо каторы год размешчаны побач з ім цэх па разліву мінеральнай вады.
Аб поўнай безгаспадарчасці ў сельгаспрадпрыемстве сведчыць стан і іншых аб’ектаў. Як, напрыклад, застаўся без дагляду шматгектарны сад, які сёлета будзе амаль без ураджаю яблык з-за памылкі ў апрацоўцы ядахімікатамі ў час цвіцення.
Аб фактах безгаспадарчасці ў “Новай Друці” можна распавядаць вельмі шмат, пабываўшы ў любым месцы гаспадаркі. І самае прыкрае, што ў гэтым плане “Новая Друць” на Магілёўшчыне не адзіная. Такіх гаспадарак у Магілёўскай вобласці дзесяткі.
Гэта агульнадзяржаўная праблема. Бо ў краіне адбываецца падбор кіруючых кадраў толькі па прынцыпу адданасці існуючаму правячаму рэжыму, а не па прафесіяналізму. У Беларусі за апошнія два дзесяткі гадоў цалкам выкаранена ў сялян адчуванне гаспадара на той зямлі, дзе ён жыве і працуе.
І гэта ўсё робіцца пры дапамозе і падтрымцы такіх вось журналістаў, якія ўжо не адчуваюць той смярдзючы пах, што стаіць на іх інфармацыйных кухнях.
Рыгор Кастусёў
“Новая Друць”: Дзе праўда, а дзе хлусня? (Фота)
Усё ўзрастаючыя з кожным годам негатыўныя працэсы ў эканоміцы Беларусі, асабліва ў сельскай гаспадарцы, беларускія ўлады імкнуцца зарэтушыраваць самымі рознымі спосабамі. Найбольш шырока для гэтага выкарыстоўваюцца разнастайныя дзяржаўныя сродкі масавай інфармацыі. Лідэрства сярод рэгіёнаў краіны, ў гэтым плане, трымае Магілёўшчына.
Асаблівае гучанне аб чарговых “поспехах” у сельскай гаспадарцы набыла інфармацыя яшчэ ў звязку з Купальскімі мерапрыемствамі 11-12 ліпеня 2020 г. у Александрыі на Шклоўшчыне, дзе мясцовыя чыноўнікі ўганаравалі найлепшыя сельгаспрадпрыемствы і перадавікоў сяла Магілёўскай вобласці.
Але найбольшы выхлап, чамусці, атрымалі рэпартажы абласнога тэлебачання і публікацыі на старонках абласных СМІ аб “поспехах” буйнейшага ў вобласці ААТ “Новая Друць”, Бялыніцкага раёна.
“Магілёўскі рэгіён”, іншыя недзяржаўныя СМІ ўжо звярталі раней увагу на негатыўныя працэсы, што адбываюцца ў буйнейшай гаспадарцы вобласці, аб’яднаўшай шэсць былых гаспадарак Бялыніччыны і займаючай каля паловы тэрыторыі раёна.
Гэта была інфармацыя аб прастойваючых вытворчых аб’ектах гаспадаркі, аб незасееных палях, аб нізкіх надоях малака ад каровы ( на ўзроўні добрай казы), аб іншым негатыве, што адбываецца ў сельгаспрадпрыемстве, у першую чаргу, па прычыне нездавальняючага падбору кіруючых кадраў як ААТ “Новая Друць”, так і Бялыніцкага раёна.
І раптам, зараз, у сярэдзіне лета 2020 г. журналісты дзяржаўных СМІ разам з дырэктарам гаспадаркі спрабуюць распавядаць чытачам і гледачам аб поспехах прадпрыемства ў надоях малака, аб добрых перспектывах на ураджай зернявых культур, бульбы, кукурузы на корм жывёле.
Складваецца ўражанне, што гэтыя гора-журналісты, рыхтуючы свае матэрыяла аб гаспадарцы, нават не ўдасужыліся пабываць там.
А калі б пабылі, то пабачылі б і прастойваючыя вытворчыя аб’екты (цэх па разліву вады, жывелагадоўчы комплекс БРЖ у в. Падзевічы і інш.), і незасееныя палі, і палі з адсутнасцю перспектывы на добры ўраджай кукурузы, і іншы негатыў.
Журналістам дзяржаўных СМІ не патрэбна будзе ехаць далёка ад цэнтральнай сядзібы гаспадаркі – аграгарадка Цяхцін, каб пабачыць увачавідкі шматлікія факты безгасападарчасці.
Роўна год таму назад “Магілёўскі рэгіён” распавядаў аб безгаспадарчасці, аб незасееных палях, аб забруджванні гноем тэрыторый побач з фальваркам Крынкі ў ваколіцах Цяхціна.
У гэтых мясцінах у 1872 годзе нарадзіўся і правеў сваё дзяцінства наш знакаміты зямляк, народны мастак Беларусі, народны мастак Расіі, ганаровы акадэмік Акадэміі навук БССР, член Акадэміі навук СССР Вітольд Каэтанавіч Бялыніцкі-Біруля.
За год пасля публікацыі матэрыяла аб безгаспадарчасці на палях ААТ “Новая Друць” побач з фальваркам Крынкі сітуацыя не змянілася да лепшага, а стала яшчэ больш горшай. Поле, куды некалькі год з фермы в.Цяхцін вывозіцца гноевая жыжа, так і засталося не засееным і зарасло бур’янам у рост чалавека. А ўгнаенні ў час дажджу, як і раней працягваюць сцякаць у ручай, які ўпадае ў раку Друць, чаго не жадаюць заўважаць мясцовыя эколагі. Нават дайшло да таго, што гной пачалі выгружаць прама ў ручаіну.
Кіраўніцтва гаспадаркі, мясцовая выканаўчая ўлада не задумваюцца, што гэтыя мясціны будуць з’яўляцца адным з аб’ектаў для наведванняў гасьцямі і ўдзельнікамі мерапрыемстваў у звязку з правядзеннем на пачатку верасня 2020 г. у Бялынічах Дня беларускага пісьменства.
Вось тады госці пабачуць сапраўдны стан гаспадаркі, чакаемы ўраджай кукурузы на корм жывёлы, нарыхтоўку кармоў для жывёлы на стойлавы перыяд, а не фантазіі журналістаў некаторых дзяржаўных сродкаў масавай інфармацыі.
Рыгор Кастусёў
Белыничская «Новая Друть» выпрямляет русло?
Последние годы белыничское ОАО «Новая Друть», прямо скажем, лихорадило. В производственном смысле слова. Одно из … чытаць далей
Умер бывший председатель Климовичского райисполкома Владимир Коновалов
Бывший председатель Климовичского райисполкома Владимир Коновалов умер в Белыничском районе. В последние годы Владимир Винидиктович … чытаць далей
МММ у сельскай гаспадарцы Магілёўшчыны (махлярства, марнатраўства, мздаімства)? (Працяг)
На прыкладзе буйнейшага сельскагаспадарчага прадпрыемства Магілёўшчыны ААТ “Новая Друць” Бялыніцкага раёна раней на старонках “Магілёўскага рэгіёна” ўздымаліся праблемы сельскай гаспадаркі вобласці, апісваліся негатыўныя працэсы, што адбываюцца на сяле з-за непрафесійных падыходаў кіраўніцтва розных узроўняў, уздымаліся пытанні марнатраўства фінансавых сродкаў (магчыма ў чыіхсьці інтарэсах, што называецца мздаімствам).
Не засталася па-за ўвагай на прыкладзе “Новай Друці” і тэма падбора кіраўнікоў і спецыялістаў гаспадарак, бо толькі за 2019 год у ААТ змянілася тры хвалі “канкістадораў”, як тады адзначалася на старонках “Магілёўскага рэгіёна”, што сталася своеасаблівым рэкордам не толькі ў Бялыніцкім раёне, а і для Магілёўскай вобласці.
Кожная хваля чарговага кіраўніцтва імкнулася пакінуць свой след у гісторыі гаспадаркі, у памяці працаўнікоў і жыхароў шматлікіх вёсак.
Да чэрвеня 2019 года дырэктарам гаспадаркі з’яўляўся А.Драздоў, які разам з гэтым у 2016 годзе быў абраны членам Савета Рэспублікі Нацыянальнага сходу Рэспублікі Беларусь. Але ў памяці людзей ён застаўся не дзякуючы высокай пасадзе дэпутата верхняй палаты беларускага парламента. Яго больш памятаюць як дырэктара, за часам якога з гаспадаркі сышлі найлепшыя мясцовыя кадры.
Наступную хвалю на “Новую Друць” у чэрвені 2019 годзе ўзначаліў новы дырэктар В.Шчуплянкоў, які прыйшоў на гэтую пасаду па пратэкцыі свайго роднага брата А.Шчуплянкова – тагачаснага старшыні Бялыніцкага, а яшчэ раней – Круглянскага райвыканкама. У людской памяці В.Шчуплянкоў застаўся як дырэктар, што адбыў на пасадзе меней трох месяцаў і разам са сваёй камандай канчаткова заваліў усе эканамічныя паказчыкі гаспадаркі.
З канца жніўня 2019 года на “Новай Друці” бушуе шклоўская хваля на чале з В.Закардонскім, які таксама вырашыў запісацца ў гісторыю гаспадаркі неардынарнымі паступкамі – спагнаць пэўную фінансавую кампенсацыю за нанесеныя са студзеня па верасень 2019 года матэрыяльныя страты са спецыялістаў гаспадаркі і, нават, з былых яе кіраўнікоў – Драздова і Шчуплянкова па 930,1 рубля з кожнага.
Падлягае вялікаму сумневу, што новаму дырэктару ўдасца атрымаць фінансавую кампенсацыю з былых кіраўнікоў гаспадаркі, але працуючыя спецыялісты і рабочыя гаспадаркі, якія звярнуліся за дапамогай да “Магілёўскага рэгіёна”, ужо адчулі важкі недахоп заробку за сакавік 2020 года. Недаатрыманне заробку сталася для працаўнікоў як гром сярод яснага дня, бо з загадам дырэктара аб утрыманні фінансавых сродкаў іх ніхто не азнаямліваў.
Дзякуючы доступу да складзеных задняй датай службовых дакументаў ААТ “Новая Друць” -службовай запіскі старшыні назіральнага савета Чалнакова ад 24 снежня 2019 года з рэзалюцыяй няведама каго на ўтрыманне з вінаватых нанесеных страт і загада дырэктара Закардонскага ад 28 снежня 2019 года за №164-П, які грунтуецца ўжо на рашэнні Назіральнага савета №16 ад 28 снежня 2019 года (якога ніхто не бачыў увачавідкі), праглядаецца поўны непрафесіяналізм і неадукаванасць цяперашняга кіраўніцтва.
Мабыць, Закардонскаму наканавана застацца ў людской памяці як самаму непрафесійнаму кіраўніку, імкнуўшамуся такім чынам прыхаваць падзёж буйной рагатай жывёлы і нанесеныя гаспадарцы страты ў памеры 32014,62 рублёў у часы дырэктарства сваіх папярэднікаў.
Пад раздачу, згодна загада Закардонскага, разам з Драздовым, Шчуплянковым і работнікамі жывёлагадоўлі, на ўтрыманне фінансавых сродкаў папалі аграномы, маркетолаг, упраўляючы падраздзяленнем гаспадаркі і, нават, чамусці, качагар кацельні Дома механізатараў, які раней працаваў загадчыкам і слесарам майстэрні па рамонту трактароў.
Назіраючы за негатыўнымі працэсамі, што адбываюцца ў сельскай гаспадарцы і непасрэдна ў ААТ “Новая Друць”, – прастойваючыя крухмальны завод і цэх па разліву мінеральнай вады, разваліны плантацыі па вырошчванні жэншэня, комплексы буйной рагатай жывёлы, дзе ад каровы надойваюць малака меней, чым ад добрай казы, за незасеенымі ўвесну і непрыбранымі ў восень палямі, за марнатраўствам, махлярствам, мздаімствам і дурасцю чыноўнікаў у адносінах да людзей, складваецца ўражанне, што сельскай гаспадаркай у Магілёўскай вобласці ніхто не кіруе, або прафесійны ўзровень чыноўнікаў і спецыялістаў сельскай гаспадаркі апусціўся да такога ўзроўня, што яны не здольны прымаць адэкватныя рашэнні.
Калі гэта нездольнасць чынавенства кіраваць сельскай гаспадаркай у склаўшыхся ўмовах, то кіраўніцтву вобласці тэрмінова неабходна прымаць меры па новых падыходах арганізацыі працы ў сельскай гаспадарцы.
Але ж, калі пад безгаспадарчасцю хаваюцца асабістыя інтарэсы некаторых чыноўнікаў і спецыялістаў, узнікае пытанне – чаму маўчаць праваахоўныя органы? Чаму, у першую чаргу, маўчыць і не прымае мер пракуратура?
А, можа быць, і ў супрацоўнікаў праваахоўных органаў за безгаспадарчасцю ў сельгаспрадпрыемствах таксама хаваецца свой інтарэс?
Рыгор Кастусёў
МММ у сельскай гаспадарцы Магілёўшчыны (марнатраўства, махлярства, мздаімства)?
Якія толькі планы, ідэі, праграмы не нараджаліся ў галовах магілёўскага чынавенства за апошняе чвэрць стагоддзя. … чытаць далей
Новадруцкія “канкістадоры”
Падзеі, звязаныя з прызначэннем кіраўніцтва ААТ “Новая Друць” Бялыніцкага раёна, Магілёўскай вобласці, звязаныя з паводзінамі … чытаць далей